പെരുമ്പാവൂർ: പിറ്റ് എൻ.ഡി.പി.എസ് ആക്ട് പ്രകാരം കഞ്ചാവ് കേസ് പ്രതി കൂവപ്പടി കോട്ടുവയൽ വടക്കേക്കര വീട്ടിൽ അജി വി. നായരെ (29) അറസ്റ്റ് ചെയ്ത് പൂജപ്പുര സെൻട്രൽ ജയിലിലടച്ചു. ജില്ലാ പൊലീസ് മേധാവി ഡോ. വൈഭവ് സക്സേനയുടെ റിപ്പോർട്ടിന്റെ അടിസ്ഥാനത്തിലാണ് നടപടി. ഒറീസയിൽ നിന്ന് എറണാകുളത്തേക്ക് കാറിൽ കടത്തിയ 88 കിലോ കഞ്ചാവ് പിടികൂടിയ കേസിലും, പുളിന്താനത്തെ വാടക വീട്ടിൽ നിന്ന് 30 കിലോ കഞ്ചാവ് പിടികൂടിയ കേസിലും പ്രതിയാണ്. കാലടി സനൽ വധക്കേസ് ഉൾപ്പടെ നിരവധി കേസുകളിലും ഇയാൾ ഉൾപ്പെട്ടിട്ടുണ്ട്. കോടനാട് ഇൻസ്പെക്ടർ ജി.പി. മനുരാജ്, എസ്.ഐ എം.എസ്. സുനിൽ, എ.എസ്.ഐ വി.പി. ശിവദാസൻ, സീനിയർ സി.പി.ഒമാരായ അനീഷ് കുര്യാക്കോസ്, സുരേഷ് കുമാർ, സി.പി.ഒമാരായ എസ്.ആർ. അവിനാഷ്, കെ.എസ്. മധു, നിധിൻ രഘുവരൻ തുടങ്ങിയവരാണ് അന്വേഷണ സംഘത്തിലുള്ളത്.