പെരുമ്പാവൂർ: ഭാരതീയ പാരമ്പര്യ വൈദ്യസംഗമം മഹാരാഷ്ട്ര കോലാപ്പൂർ ശ്രീക്ഷേത്ര സിദ്ധഗിരി ആശ്രമ മഠാധിപതി കാടസിദ്ധേശ്വര സ്വാമികൾ ഉദ്ഘാടനം ചെയ്തു. കേരളത്തിലെ പാരമ്പര്യ നാട്ടു ചികിത്സാ വൈദ്യന്മാർ യോഗത്തിൽ പങ്കെടുത്തു. വിവിധ പാരമ്പര്യ ആയുർവേദ ചികിത്സാ രീതികളെ കുറിച്ചുള്ള ചർച്ച നടന്നു. യോഗത്തിൽ ഭാരതീയ പാരമ്പര്യ നാട്ടു ചികിത്സാ സംഘം സംസ്ഥാന പ്രസിഡന്റ് ഡോ. രേണു സുരേഷ്, സംസ്ഥാന ജനറൽ സെക്രട്ടറി ബാലകൃഷ്ണ വൈദ്യൻ, സുജി വൈദ്യൻ, സുജികുമാർ, സൂര്യനാരായണ ശർമ, സ്വാമിനി വിഷ്ണുപ്രിയ, ഡോ. നന്ദകുമാർ എന്നിവർ സംസാരിച്ചു.