കോലഞ്ചേരി: പുത്തൻകുരിശ് പഞ്ചായത്തിന്റെയും കെമിസ്​റ്റ് കോളേജ് ഒഫ് ഫാർമസ്യൂട്ടിക്കൽ സയൻസ് ആൻഡ് റിസർച്ചിന്റെയും ആഭിമുഖ്യത്തിൽ സംഘടിപ്പിച്ച ഗ്രീൻ ടോക് പഞ്ചായത്ത് വൈസ് പ്രസിഡന്റ് കെ.കെ. അശോക കുമാർ ഉദ്ഘാടനം ചെയ്തു. അഡ്മിനിസ്‌ട്രേ​റ്റീവ് വൈസ് പ്രിൻസിപ്പൽ ജോൺ തോമസ് അദ്ധ്യക്ഷനായി. ശുചിത്വത്തിനൊപ്പം യുവത എന്ന കാമ്പയിനുമായി ബന്ധപ്പെട്ട് യൂത്ത് മീ​റ്റിന്റെ ഭാഗമാണ് പരിപാടി നടന്നത്. സയൻസ് സെന്റർ അസിസ്​റ്റന്റ് ഡയറക്ടർ എ.എ. സുരേഷ്,​ പഞ്ചായത്ത് അംഗം ബിനിത പീ​റ്റർ, അസിസ്റ്റന്റ് സെക്രട്ടറി പ്രതീഷ് ബാബു, ഹെൽത്ത് ഇൻസ്‌പെക്ടർ പി.എസ്. സ്മിത, ഹരിത കേരളം മിഷൻ റിസോഴ്‌സ് പേഴ്‌സൺ പി.എസ്. ദീപു, അക്കാഡമി വൈസ് പ്രിൻസിപ്പൽ ഡോ. ടെലിനി തോമസ് ചുങ്കത്ത് എന്നിവർ സംസാരിച്ചു.