കോതമംഗലം: സംസ്ഥാന സ്കൂൾ കായികമേളയുടെ ഭാഗ്യചിഹ്നമായ തക്കുടുവിന് കോതമംഗലത്ത് ഉജ്വല സ്വീകരണം. കോതമംഗലം ടൗണിലൂടെ നടത്തിയ വിളംബര ജാഥയിലും ഭാഗ്യചിഹ്നമായ തക്കുടുവിനെ സ്വീകരിച്ചതിലും ജനപ്രതിനിധികൾ, എൻ എസ് എസ് വോളണ്ടിയേഴ്‌സ്, കായിക വിദ്യാർത്ഥികൾ, സ്റ്റാഫ് അംഗങ്ങൾ, കോതമംഗലത്തെ പൗരപ്രമുഖർ തുടങ്ങിയവർ പങ്കെടുത്തു. കോതമംഗലം നഗരസഭ ചെയർമാൻ കെ.കെ ടോമിയുടെ അദ്ധ്യക്ഷതയിൽ നടന്ന സ്വീകരണയോഗം ആന്റണി ജോൺ എം.എൽ.എ ഉദ്ഘാടനം ചെയ്തു. സന്തോഷ്ട്രോഫി കേരളടീമിന്റെ കൊച്ചായ എം.എ കോളേജ് കായികാദ്ധ്യാപകൻ ഹാരി ബെന്നിക്ക് എം.എൽ.എ ആന്റണി ജോൺ നാടിന്റെ ആദരവ് സമർപ്പിച്ചു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ അഡ്വ. ജോസ് വർഗീസ്, വികസനകാര്യ സ്റ്റാൻഡിംഗ് കമ്മിറ്റി ചെയർമാൻ നൗഷാദ് കെ.എ, ആരോഗ്യ സ്റ്റാൻഡിംഗ് കമ്മിറ്റി ചെയർമാൻ തോമസ് കെ.വി, മാർ ബേസിൽ സ്കൂൾ മാനേജർ ജോർജ് കൂർപ്പിള്ളിൽ തുടങ്ങിയവർ പങ്കെടുത്തു. എൻ.എസ്.എസ് പ്രോഗ്രാം ഓഫീസർ ലിറ്റി മത്തായി സ്വാഗതം പറഞ്ഞു. മാർ ബേസിൽ സ്കൂളിലെ എൻ.എസ്.എസ് വോളണ്ടിയേഴ്സ് ഫ്ലാഷ്മോബ് അവതരിപ്പിച്ചു.