മൂവാറ്റുപുഴ: ആയവന ഗ്രാമപഞ്ചായത്ത് ഹോമിയോ ആശുപത്രിക്ക് തറക്കല്ലിട്ടു.വർഷങ്ങളായി കാലാമ്പൂർ സെൻമേരിസ് യാക്കോബായ പള്ളിയുടെ അധീനതയിലുള്ള മുറിയിലാണ് ആശുപത്രി പ്രവർത്തിച്ചുകൊണ്ടിരുന്നത്. സംസ്ഥാന ആരോഗ്യവകുപ്പും ആയുഷ് മിഷനും അനുവദിച്ച 30 ലക്ഷം രൂപ മുതൽമുടക്കിയാണ് ആശുപത്രി കെട്ടിടം നിർമ്മിക്കുന്നത്. ആയവന ഗ്രാമപഞ്ചായത്ത് പ്രസിഡന്റ് സുറുമി അജീഷ് പുതിയ ആശുപത്രിക്ക് തറക്കല്ലിട്ടു. വൈസ് പ്രസിഡന്റ് കെ.ടി .രാജൻ കടക്കോട്ട് അദ്ധ്യക്ഷത വഹിച്ചു.ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്‌സൺ ജൂലി സുനിൽ, ബ്ലോക്ക് പഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ഷിവാഗോ തോമസ്, മേഴ്‌സി ജോർജ്, രഹന സോബിൻ, ഗ്രാമപഞ്ചായത്ത് അംഗങ്ങളായ അനീഷ് പി .കെ., ജെയിംസ് എൻ .ജോഷി,ജോസ് പൊട്ടൻപുഴ, അന്നകുട്ടി മാത്യൂസ്, മിനി വിശ്വനാഥൻ, ഉഷ രാമകൃഷ്ണൻ, മെഡിക്കൽ ഓഫീസർ ഡോ.വിജി, ഗ്രാമപഞ്ചായത്ത് സെക്രട്ടറി സി.വി .പൗലോസ്, മുൻ മെഡിക്കൽ ഓഫീസർ ഡോ. ഷിജു തുടങ്ങി രാഷ്ട്രീയ സാമൂഹിക സാംസ്‌കാരിക രംഗത്തെ പ്രമുഖർ ചടങ്ങിൽ പങ്കെടുത്തു.