മൂവാറ്റുപുഴ: സംസ്ഥാന സ്കൂൾ കായിക മേളയുടെ ഭാഗ്യ ചിഹ്നമായ തക്കുടുവിന് ജില്ലയുടെ കിഴക്കൻ മേഖലയിൽ ആവേശ്വോജ്ജ്വല സ്വീകരണം. പിറവം, മൂവാറ്റുപുഴ, കുന്നത്തുനാട് എന്നിവിടങ്ങളിലെ വിവിധ മത്സര കേന്ദ്രങ്ങളിലും നഗരങ്ങളിലും ഗ്രാമങ്ങളിലും ചെണ്ടയുടെയും മറ്റ് വാദ്യ മേളങ്ങളുടെയും അകമ്പടിയോടെ എം.പിമാരുടെയും എം.എൽ.എ മാരുടെയും നേതൃത്വത്തിലായിരുന്നു സ്വീകരണം. വിവിധ പഞ്ചായത്തുകളിൽ സ്വീകരണ സമ്മേളനങ്ങൾ പഞ്ചായത്ത് പ്രസിഡന്റുമാർ ഉദ്‌ഘാടനം ചെയ്തു. കല്ലൂർക്കാട് പഞ്ചായത്തിൽ നടന്ന പരിപാടി സുജിത്ത് ബേബിയും പൈങ്ങോട്ടൂരിൽ പഞ്ചായത്ത് പ്രസിഡണ്ട്ന്റ് ജിജി ഷിജിയും ഉദ്‌ഘാടനം ചെയ്തു. സംസ്ഥാന - ദേശീയ തലങ്ങളിൽ മികവ് തെളിയിച്ച കായിക പ്രതിഭകളെ ചടങ്ങുകളിൽ ആദരിച്ചു. വിവിധ കേന്ദ്രങ്ങളിൽ പഞ്ചായത്ത് സ്ഥിരം സമിതി അദ്ധ്യക്ഷന്മാരായ ഡെൽസി ലൂക്കാച്ചൻ,സന്തോഷ് ജോർജ്, നൈസ് എൽദോ,അദ്ധ്യാപകരായ ഷാബു കുര്യാക്കോസ്,എം.കെ .ബിജു,ജോൺസൺജോസഫ്,ജോമോൻ ജോസ് തുടങ്ങിയവർ സംസാരിച്ചു.