മട്ടാഞ്ചേരി: എഡ്രാക് കൊച്ചി മേഖലാ വനിതാ കമ്മിറ്റിയുടെയും വൈ.ഡബ്ല്യു.സി.എ ഫോർട്ടുകൊച്ചിയുടെയും സംയുക്താഭിമുഖ്യത്തിൽ രാജഗിരി ഹോസ്പിറ്റലിന്റെ സഹകരണത്തോടെ സ്തനാർബുദ നിർണയക്യാമ്പ് നടത്തി. ഡെപ്യൂട്ടി മേയർ കെ.എ. അൻസിയ ഉദ്ഘാടനം ചെയ്തു. ബെറ്റ്സ ബ്ലെയ്സി അദ്ധ്യക്ഷയായി. സബ് കളക്ടർ കെ. മീര, കൗൺസിലർ അഡ്വ. ആന്റണി കുരീത്തറ, ഡോ.എറീക്ക എഡ്വേർഡ്, തങ്കമണി, ഐ.ജെ. ജോളി, ഡോ. അനൂപ് ഫ്രാൻസിസ്, അനിത ഫെർണാണ്ടസ്, ജോയ്സ് ആന്റണി എന്നിവർ സംസാരിച്ചു. ഡോ. അമൃത ബോധവത്കരണ ക്ലാസ് നയിച്ചു.