കട്ടപ്പന : അടിമാലി കുമളി ദേശീയപാതയുടെ ഭാഗമായ വള്ളക്കടവ് ആനവിലാസം റോഡിലെ അപകട ഭീഷണി ഉയർത്തുന്ന വൻ മരങ്ങൾ വെട്ടിമാറ്റാൻ നടപടിയായി. ജനവാസ മേഖലയ്ക്ക് സമീപത്തു നിൽക്കുന്ന ഏഴോളം മരങ്ങളാണ് ജില്ലാ ഭരണകൂടത്തിന്റെ നിർദ്ദേശപ്രകാരം നഗരസഭയും വനം വകുപ്പും വെട്ടിനീക്കുന്നത്.മഴക്കാലം ആകുന്നതോടെ മരങ്ങൾ കടപുഴകി വീണും ഒടിഞ്ഞുവീണും നിരവധി അപകടങ്ങളാണ് ഇവിടെ ഉണ്ടായിക്കൊണ്ടിരുന്നത്.ഇതോടെ വിഷയം നിരന്തരം വാർത്തയുമായിരുന്നു. തുടർന്നാണ് മരങ്ങൾ വെട്ടി നീക്കാൻ നടപടിയായത്.
പാതയിൽ വള്ളക്കടവ് മുതൽ ആനവിലാസം വരെ സ്വകാര്യ തോട്ടങ്ങളിൽ നിരവധി ഭീമൻ മരങ്ങളാണ് നിൽക്കുന്നത്. വെട്ടുന്ന മരത്തടികൾ വനം വകുപ്പ് ലേലം ചെയ്യും.

എന്നാൽ പാതയിലൂടനീളം നിരവധി ഭീമൻ മരങ്ങൾ പിന്നെയും നിൽന്നുണ്ട്. ഇവകൂടി മുറിച്ചു നീക്കാനുള്ള നടപടി അധികാരികളുടെ ഭാഗത്തുനിന്ന് ഉണ്ടാക്കണമെന്നാണ് പ്രദേശവാസികളുടെ ആവശ്യം.