തൊടുപുഴ: അരുവിപ്പുറം വാട്സ്ആപ്പ് കൂട്ടായ്മയിലൂടെ ഒരു മാസക്കാലമായി നടത്തുന്ന ഗുരുസ്തവം പാരായണ യജ്ഞസമർപ്പണം വെങ്ങല്ലൂർ ചെറായിക്കൽ ശ്രീനാരായണ ഗുരുദേവ ശ്രീസുബ്രഹ്മണ്യ സ്വാമി ക്ഷേത്രത്തിൽ നടത്തി. എസ്.എൻ.ഡി.പി യോഗം തൊടുപുഴ യൂണിയൻ കൺവീനർ പി.ടി. ഷിബുവിന്റെ അദ്ധ്യക്ഷതയിൽ യൂണിയൻ ചെയർമാൻ ബിജു മാധവൻ ഉദ്ഘാടനം ചെയ്തു. വൈദിക സമിതി സംസ്ഥാന പ്രസിഡന്റ് വൈക്കം ബെന്നി ശാന്തി അനുഗ്രഹപ്രഭാഷണം നടത്തി. തൊടുപുഴ യൂണിയൻ വൈസ് ചെയർമാൻ ആർ. ബാബുരാജ്, യൂണിയൻ അഡ്മിനിസ്ട്രേറ്റീവ് കമ്മിറ്റിയംഗങ്ങളായ സ്മിത ഉല്ലാസ്, കെ.കെ. മനോജ്, എ.ബി. സന്തോഷ് , വനിതാസംഘം യൂണിയൻ പ്രസിഡന്റ് ഗിരിജ ശിവൻ, അഡ്വ. വേണു ചെങ്ങന്നൂർ, അഡ്വ. ജയപ്രകാശ് ചെങ്ങന്നൂർ എന്നിവർ ആശംസകളർപ്പിച്ചു. ജമിനി തങ്കപ്പൻ കോട്ടയം സ്വാഗതവും വനിതാസംഘം കൗൺസിലർ സുഷമ രാജു നന്ദിയും പറഞ്ഞു. സർവൈശ്വര്യ പൂജ, 1 ശ്രീനാരായണ സത്സംഗം, ഗുരുസ്മരണ, പ്രഭാഷണം, ഗുരുസ്തവം പാരായണം,അന്നദാനം, സമർപ്പണം എന്നിവ നടത്തി.