തൊടുപുഴ: ലോക ഹൃദയാരോഗ്യ ദിനാചരണത്തോടനുബന്ധിച്ച് മുതലക്കോടം ഹോളി ഫാമിലി ആശുപത്രി മാദ്ധ്യമ പ്രവർത്തകർക്കായി സംഘടിപ്പിച്ച ഹൃദയ പരിശോധന മെഡിക്കൽ ക്യാമ്പിന്റെ ഉദ്ഘാടനം നടത്തി. പ്രസ് ക്ലബ് ഹാളിൽ നടന്ന ചടങ്ങിൽ ജില്ലാ പഞ്ചായത്തംഗം പ്രൊഫ. എം.ജെ.ജേക്കബ് ഉദ്ഘാടനം നിർവഹിച്ചു. പ്രസിഡന്റ് വിനോദ് കണ്ണോളിൽ അദ്ധ്യക്ഷത വഹിച്ചു. ഹോളി ഫാമിലി ആശുപത്രി അഡ്മിനിസ്‌ട്രേറ്റർ സി.മേഴ്‌സി കുര്യൻ മുഖ്യപ്രഭാഷണം നടത്തി. കാർഡിയോളജി വിഭാഗം മേധാവി ഡോ.ഷിജി തോമസ് വർഗീസ് ബോധവത്കരണ ക്ലാസ് നയിച്ചു. ക്യാമ്പ് കോർർഡിനേറ്റർ ഡോ.അത്തിഖ് ഉമ്മർ, നഴ്‌സിംഗ് സൂപ്രണ്ട് സി. മേരി ആലപ്പാട്ട് , പ്രസ് ക്ലബ്ബ് സെക്രട്ടറി ജെയിസ് വാട്ടപ്പിള്ളിൽ, ട്രഷറർ ആൽവിന്‍ തോമസ് എന്നിവർ പ്രസംഗിച്ചു. പ്രസ് ക്ലബ്ബ് വൈസ് പ്രസിഡന്റ് പി.കെ.ലെത്തീഫ്, ജോയിന്റ് സെക്രട്ടറി അഖിൽ സഹായി, കമ്മിറ്റിയംഗങ്ങളായ എൻ.വി.വൈശാഖ്, ഷിയാസ് ബഷീർ, അനീഷ് ടോം, വി.വി.നന്ദു എന്നിവർ നേതൃത്വം നൽകി. ആശുപത്രിയിലെ ചികിൽസയ്ക്കായി മാദ്ധ്യമപ്രവർത്തകർക്കു നൽകുന്ന പ്രവിലേജ് കാർഡ് വിതരണത്തിന്റെ ഉദ്ഘാടനവും ചടങ്ങിൽ നടത്തി.