ഇടുക്കി: ലോക മാനസികാരോഗ്യദിനത്തോടനുബന്ധിച്ച് ഇന്ന് ജില്ലാതല ഉദ്ഘാടനവും ബോധവൽക്കരണ പരിപാടിയും റാലിയും സംഘടിപ്പിക്കുന്നു. ആരോഗ്യവകുപ്പിന്റെ ആഭിമുഖ്യത്തിൽ നടക്കുന്ന പരിപാടിയുടെ ഉദ്ഘാടനം ജില്ലാ കളക്ടർ വി .വിഗ്‌നേശ്വരി രാവിലെ 10.30 ന് ചെറുതോണി പൊലീസ് സൊസൈറ്റി കോൺഫറൻസ് ഹാളിൽ നിർവഹിക്കും. ഇതോടനുബന്ധിച്ചുള്ള റാലി ഇടുക്കി പൊലീസ് ഇൻസ്‌പെക്ടർ സന്തോഷ് സജീവ് ഫ്ളാഗ് ഓഫ് ചെയ്യും. ജില്ലാ മെഡിക്കൽ ഓഫീസർ ഇൻ ചാർജ്സുരേഷ് വർഗീസ് അദ്ധ്യക്ഷത വഹിക്കുന്ന ചടങ്ങിൽ ആരോഗ്യവകുപ്പിലെ വിദഗ്ദർ നയിക്കുന്ന ചർച്ചയും ,ബോധവൽക്കരണ ക്ലാസും ഉണ്ടായിരിക്കും.