തൊടുപുഴ :റെയിൽവേ അവഗണന അവസാനിപ്പിക്കുക, റെയിൽവേ യാത്രാദുരിതം പരിഹരിക്കുക, വനിതാ യാത്രക്കാരുടെ സുരക്ഷ ഉറപ്പുവരുത്തുക, റിസർവേഷൻ കമ്പാർട്ട്‌മെന്റുകൾ വർദ്ധിപ്പിക്കുക, സീസൺ ടിക്കറ്റ് യാത്രക്കാരുടെ പ്രശ്നങ്ങൾ പരിഹരിക്കുക എന്നീ മുദ്രാവാക്യങ്ങൾ ഉന്നയിച്ച് ഇന്ന് എഫ് .എസ്. ഇ റ്റി ഒ നേതൃത്വത്തിൽ ജീവനക്കാരും അദ്ധ്യപകരും ജില്ലാ കേന്ദ്രങ്ങളിൽ സായാഹ്ന ധർണ്ണ നടത്തി.

തൊടുപുഴ സിവിൽ സ്റ്റേഷൻ പരിസരത്ത് നടത്തിയ ധർണ്ണ സി ഐ ടി യു സംസ്ഥാന വൈസ് പ്രസിഡന്റ് കെ .പി മേരി ഉദ്ഘാടനം ചെയ്തു. എഫ് എസ് ഇ ടി ഒ ജില്ലാ പ്രസിഡന്റ് കെ. ആർ ഷാജിമോൻ അധ്യക്ഷത വഹിച്ചു.
എൻ ജി ഒ യൂണിയൻ സംസ്ഥാന വൈസ് പ്രസിഡന്റ് ടി എം ഹാജറ,സംസ്ഥാന സെക്രട്ടറിയേറ്റംഗം എസ് സുനിൽകുമാർ,കെ എസ് ടി. എ സംസ്ഥാന എക്സിക്യൂട്ടീവ് അംഗം എ എം ഷാജഹാൻ, കെ ജി ഒ എ ജില്ലാ പ്രസിഡന്റ് സി കെ ജയശ്രീ,കെ എൻ ടി ഇ ഒ ജില്ലാ പ്രസിഡന്റ് ജിനേഷ് ജോസഫ്,കെ. ജി. എൻ എ ജില്ലാ സെക്രട്ടറി സി .കെ സീമ എന്നിവർ പ്രസംഗിച്ചു. സി എസ് മഹേഷ് സ്വാഗതവും പി .എം റഫീഖ് നന്ദിയും പറഞ്ഞു.