തൊടുപുഴ: കെ. എസ്.ആർ. ടി. സി.ജീവനക്കാർക്ക് സെപ്തംബർ മാസത്തെ ശമ്പളം കൊടുക്കാനോ കൊടുക്കുന്നതിനു വേണ്ട യാതൊരു നടപടികളും സ്വീകരിക്കാത്ത ഇടതുപക്ഷ സർക്കാരിന്റേയും മാനേജ്മെന്റിന്റേയും തൊഴിലാളിവിരുദ്ധ നയത്തിനെതിരെ കെ. എസ്. ടി.എംപ്ലോയീസ് സംഘിന്റെ നേതൃത്വത്തിൽ തൊടുപുഴ യൂണിറ്റിൽ പ്രതിഷേധ പ്രകടനവും ധർണ്ണയും നടത്തി. യൂണിറ്റ് സെക്രട്ടറി പി. ആർ. പ്രസാദ് അദ്ധ്യക്ഷത വഹിച്ചു. ധർണ്ണയിൽ ജില്ലാ സെക്രട്ടറി എൻ. ആർ. കൃഷ്ണ കുമാർ സ്വാഗതം പറഞ്ഞു.സംസ്ഥാന ജോയിന്റ് സെക്രട്ടറി അരവിന്ദ്. എസ്.ഉദ്ഘാടനം ചെയ്തു. ഈ രീതിയിൽ തുടരുകയാണെങ്കിൽ സർവീസ് നിർത്തി വെച്ച് കൊണ്ടുള്ള സമര പരിപാടി നടത്തുമെന്നും

അദ്ദേഹം പറഞ്ഞു.മൂലമറ്റം യൂണിറ്റ് സെക്രട്ടറി എൻ. ആർ. ശ്രീനിവാസൻ നന്ദി പറഞ്ഞു.