കട്ടപ്പന: കാൽവരിമൗണ്ട് സെന്റ് വിൻസന്റ് ഡീപോൾ, സെന്റ് ജോർജ് കോൺഫ്രൻസ്, അമല വനിത കോൺഫ്രൻസ് എന്നിവർ ചേർന്ന് കട്ടപ്പന സെന്റ് ജോൺസ് ആശുപത്രിയുടെ സഹകരണത്തോടെ 20ന് രാവിലെ ഒമ്പത് മുതൽ കാൽവരി എൽ.പി സ്‌കൂളിൽ മെഗാ മെഡിക്കൽ ക്യാമ്പ് നടത്തും. ജനറൽ മെഡിസിൻ, ഇ.എൻ.ടി, ത്വക്ക് രോഗ വിഭാഗം, ശ്വാസകോശരോഗ വിഭാഗം, അസ്ഥിരോഗ വിഭാഗം, ശിശുരോഗ വിഭാഗം, നേത്രരോഗവിഭാഗം, മെമ്മറി ക്ലിനിക്ക്, തൈറോയ്ഡ് തുടങ്ങിയ വിഭാഗങ്ങളിൽ ഡോക്ടർമാരുടെ സേവനമുണ്ടാകും.
രക്തസമ്മർദ്ദം, പ്രമേഹം, പി.എഫ്.റ്റി, അസ്ഥിബലക്ഷയ നിർണയം തുടങ്ങിയ പരിശോധനകൾ
സൗജന്യമായിരിക്കും. തുടർചികിത്സ ആവശ്യമായി വരുന്ന രോഗികൾക്ക് കുറഞ്ഞ നിരക്കിൽ ആശുപത്രിയിൽ ചികിത്സ ലഭ്യമാക്കും. കാൽവരിമൗണ്ടിന്റെ വിവിധ സ്ഥലങ്ങളിൽ രജിസ്ട്രഷൻ സൗകര്യം ഏർപ്പെടുത്തിയിട്ടുണ്ട്. കാമാക്ഷി പഞ്ചായത്ത് പ്രസിഡന്റ് അനുമോൾ ജോസ് ക്യാമ്പ് ഉദ്ഘാടനം ചെയ്യും. കാൽവരി മൗണ്ട് ഇടവക വികാരി ഫാ. ഫിലിപ്പ് മണ്ണകത്ത് അദ്ധ്യക്ഷനാകും. ക്യാമ്പ് കോ- ഓർഡിനേറ്റർ ജോസ് വർഗീസ് ക്യാമ്പ് വിവരണം നടത്തും.