കട്ടപ്പന :മുന്നണി ധാരണ പ്രകാരം കാലാവധി പൂർത്തീകരിച്ചതിനെ തുടർന്ന് ഇരട്ടയാർ ഗ്രാമപഞ്ചായത്ത് പ്രസിഡന്റ് ജിഷാ ഷാജി രാജി വെച്ചു. ഗ്രാമപഞ്ചായത്ത് സെക്രട്ടറി ബി.ധനേഷ് കുമാർ മുമ്പാകെ രാജിക്കത്ത് സമർപ്പിച്ചു. ഗ്രാമപഞ്ചായത്തംഗങ്ങൾ, രാഷ്ട്രീയ പാർട്ടി പ്രതിനിധികൾ തുടങ്ങിയവർ സന്നിഹിതരായിരുന്നു.കഴിഞ്ഞ ദ്ദേശ തിരഞ്ഞെടുപ്പിൽ 14 ൽ 9 സീറ്റുകൾ നേടി ഇടതുപക്ഷ മുന്നണിയാണ് ഇരട്ടയാർ പഞ്ചായത്തിൽ ഭരണം പിടിച്ചത്. 9 തിൽ കേരള കോൺഗ്രസ് എം 4,സി പി എം 3 , സി പി ഐ 2 എന്നിങ്ങനെയാണ് കക്ഷിനില. ആദ്യ ടേമിൽ 26 മാസക്കാലം കേരള കോൺഗ്രസ് എമ്മിലെ ജിൻസൺ വർക്കിയായിരുന്നു പ്രസിഡന്റ്. രണ്ടാം ടേമിലെ 20 മാസക്കാലമാണ് സി. പി. എമ്മിലെ ജിഷ ഷാജി പ്രസിഡന്റായിരുന്നത്. വരുന്ന ഒരു വർഷക്കാലം സി പി ഐ ക്കാണ് പ്രസിഡന്റു സ്ഥാനം ലഭിക്കുക. സി പി ഐ യിലെ ആനന്ദ് സുനിൽ കുമാറിന് പ്രസിഡന്റ് സ്ഥാനം ലഭിക്കാനാണ് കൂടുതൽ സാദ്ധ്യത .