കൊന്നക്കാട്: കാസർകോട് വികസന പാക്കേജിൽ ഉൾപ്പെടുത്തി കൊന്നക്കാട് ഗവണ്മെന്റ് എൽ.പി സ്‌കൂളിൽ അനുവദിച്ച പുതിയ ഹൈടെക് കെട്ടിടത്തിന്റെ ശിലാസ്ഥാപനം ഇ.ചന്ദ്രശേഖരൻ എം.എൽ.എ നിർവഹിച്ചു. ബളാൽ ഗ്രാമപഞ്ചായത്ത് പ്രസിഡന്റ് രാജു കട്ടക്കയം അദ്ധ്യക്ഷത വഹിച്ചു. പി.ഡബ്ല്യൂ.ഡി എക്സിക്യുട്ടീവ് എൻജിനീയർ എ.എം സജിത്ത് റിപ്പോർട്ട് അവതരിപ്പിച്ചു. കാസർകോട് വികസന പാക്കേജ് സ്‌പെഷ്യൽ ഓഫീസർ വി.ചന്ദ്രൻ, ബ്ലോക്ക് പഞ്ചായത്തംഗം ഷോബി ജോസഫ്, ഗ്രാമ പഞ്ചായത്തംഗങ്ങളായ മോൻസി ജോയി, പി.സി രഘുനാഥൻ, എ.ഇ.ഒ രത്നാകരൻ, ജില്ലാ പഞ്ചായത്ത് മുൻ വൈസ് പ്രസിഡന്റ് കെ.എസ്.കുര്യാക്കോസ്, പ്രധാനാദ്ധ്യാപിക എം.ജിൻസി ജോസഫ്, പി.ജി.ദേവ്, ടി.പി.തമ്പാൻ, സാജൻ പുഞ്ച, ചന്ദ്രൻ വിളയിൽ, മേഴ്സി തോമസ്, ബിനു തോട്ടോൻ, കെ.വി.കൃഷ്ണൻ, വ്യാപാരി എ.ടി.ബേബി, പ്രഭാകരൻ കാട്ടാമ്പള്ളി എന്നിവർ സംസാരിച്ചു.