പഴയങ്ങാടി:നെരുവമ്പ്രം ഗവ.വൊക്കേഷണൽ (ടെക്നിക്കൽ) ഹയർ സെക്കൻഡറി സ്‌കൂളിനായി പുതുതായി നിർമ്മിച്ച പ്ലസ് ടു ബ്ലോക്കിന്റെ ഉദ്ഘാടനം 18ന് രാവിലെ 11 ന് മന്ത്രി വി.ശിവൻകുട്ടി നിർവഹിക്കുമെന്ന് എം വിജിൻ എം.എൽ.എ അറിയിച്ചു. രണ്ട് ക്ലാസ് മുറികളും ഒരു കമ്പ്യൂട്ടർ ലാബ്, ഒരു സ്റ്റെയർ റൂമും ഉൾപ്പെടെയുള്ള കെട്ടിടം സംസ്ഥാന സർക്കാർ പ്ലാൻ ഫണ്ടിൽ ഉൾപ്പെടുത്തി ഒരു കോടി ചെലവഴിച്ചാണ് പൂർത്തീകരിച്ചത്. പുതിയ കെട്ടിടം പൂർത്തിയായതോടെ സ്‌കൂളിന്റെ ഭൗതിക സൗകര്യങ്ങളും അക്കാഡമിക നിലവാരവും ഉയർത്തുന്നതിനും സ്‌കൂളിനെ മികവിന്റെ കേന്ദ്രങ്ങളാക്കി മാറ്റുന്നതിനും സാധിക്കുമെന്ന് എം.എൽ.എ പറഞ്ഞു. വൊക്കേഷണൽ ഹയർ സെക്കൻഡറി വിഭാഗം നിലവിൽ പ്രവർത്തിക്കുന്നത് ടെക്നിക്കൽ സ്‌കൂളിലാണ്. ടെക്നിക്കൽ സ്‌കൂളിനുള്ള സ്റ്റേഡിയത്തിന് ഒരു കോടിയും അനുവദിച്ചിട്ടുണ്ട്.