കാഞ്ഞങ്ങാട്: മൃഗസംരക്ഷണ വകുപ്പിലെ ജീവനക്കാരുടെ സ്റ്റാഫ് പാറ്റേൺ കാലോചിതമായി പരിഷ്കരിക്കുകയും പുനക്രമീകരിക്കുകയും ചെയ്യണമെന്ന് മൃഗസംരക്ഷണ വകുപ്പ് സ്റ്റാഫ്‌ അസോസിയേഷൻ ജില്ലാ സമ്മേളനം ആവശ്യപ്പെട്ടു.ജോയിന്റ് കൗൺസിൽ സംസ്ഥാന വൈസ് ചെയർമാൻ നരേഷ് കുമാർ കുന്നിയൂർ സമ്മേളനം ഉദ്ഘാടനം ചെയ്തു. കെ.എച്ച്.ഡി.എസ്.എ സംസ്ഥാന പ്രസിഡന്റ് എ.ഉമാദേവി , ജോയിന്റ് കൗൺസിൽ ജില്ലാ പ്രസിഡന്റ് ഇ.മനോജ്‌ കുമാർ, സെക്രട്ടറി സി കെ.ബിജുരാജ്, വൈസ് പ്രസിഡന്റ് ജി.സുരേഷ് ബാബു, ജോയിന്റ് സെക്രട്ടറി പ്രദീപ്‌ കുമാർ, കെ.എച്ച്.ഡി.എസ് എ സംസ്ഥാന സെക്രട്ടറി പി.റീജ എന്നിവർ സംസാരിച്ചു. ജില്ലാ പ്രസിഡന്റ് അബ്ദുൾഖാദർ അദ്ധ്യക്ഷത വഹിച്ചു. പി.ഉബൈദുൾ റഹ്മാൻ വരവുചിലവ് കണക്ക് അവതരിപ്പിച്ചു. ജില്ലാസെക്രട്ടറി ടി.വി.വേണുഗോപാലൻ സ്വാഗതവും ശശിന്ദ്രൻ എം വി നന്ദിയും പറഞ്ഞു.