കോഴിക്കോട്: ട്രെയിൻ യാത്രക്കാർക്ക് ആശ്വാസം, പൂജ അവധിയ്ക്ക് സ്പെഷ്യൽ സർവീസുമായി റെയിൽവേ. യാത്രക്കാരുടെ തിരക്ക് പരിഗണിച്ചാണ് ദക്ഷിണ റെയിൽവേ കൂടുതൽ ട്രെയിനുകൾ അനുവദിച്ചിരിക്കുന്നത്. മംഗലാപുരം ജംഗ്ഷനും കൊച്ചുവേളിക്കും ഇടയിൽ രണ്ട് ട്രെയിനുകളും മംഗലാപുരം ജംഗ്ഷനും കൊല്ലം ജംഗ്ഷനും ഇടയിൽ രണ്ട് ട്രെയിനുകളുമാണ് പാലക്കാട് ഡിവിഷന്റെ കീഴിൽ സർവീസ് നടത്തുക.

 മംഗളൂരു ജംഗ്ഷൻ- കൊച്ചുവേളി

1. കൊച്ചുവേളി-മംഗളൂരു ജംഗ്‌ഷൻ സ്‌പെഷ്യൽ എക്‌സ്പ്രസ് - 14-ന് 21.25 ന് (9.25) കൊച്ചുവേളിയിൽ നിന്ന് പുറപ്പെട്ട് അടുത്ത ദിവസം (1 സർവീസ്) 09.15 മണിക്ക് മംഗലാപുരത്ത് എത്തിച്ചേരും.

2. മംഗളൂരു ജംഗ്ഷൻ - കൊച്ചുവേളി സ്പെഷൽ എക്സ്പ്രസ്- 15 ന് 20.10 (8.10) ന് മംഗളൂരു ജംഗ്ഷനിൽ നിന്ന് പുറപ്പെട്ട് അടുത്ത ദിവസം (1 സർവീസ്) എട്ടു മണിക്ക് കൊച്ചുവേളിയിലെത്തും.

 മംഗലാപുരം ജംഗ്ഷൻ- കൊല്ലം ജംഗ്ഷൻ

1.മംഗലാപുരം ജംഗ്ഷൻ-കൊല്ലം ജംഗ്ഷൻ സ്പെഷൽ എക്സ്പ്രസ് - 14ന് 23.00(11) മണിക്ക് മംഗളൂരു ജംഗ്ഷനിൽ നിന്ന് പുറപ്പെട്ട് അടുത്ത ദിവസം (1 സർവീസ്) 10.20 മണിക്ക് കൊല്ലത്ത് എത്തിച്ചേരും.

2.കൊല്ലം ജംഗ്ഷൻ - മംഗളൂരു ജംഗ്ഷൻ സ്പെഷൽ എക്സ്പ്രസ് - 15 ന് 18.55 (6.55) ന്കൊല്ലത്ത് നിന്ന് പുറപ്പെട്ട് അടുത്ത ദിവസം (1 സർവീസ്) 07.30 മണിക്ക് മംഗലാപുരത്ത് എത്തിച്ചേരും.