ബാലുശ്ശേരി: പൊന്നരം റസിഡൻസ് അസോസിയേഷൻ്റെയും ഐ.എം.എ ബാലുശ്ശേരിയുടെയും ബാലുശ്ശേരി സിറ്റിസൺസ് ക്ലബിൻ്റെയും സംയുക്താഭിമുഖ്യത്തിൽ ലോക ഹൃദയ പുനരുജ്ജീവന ദിനാചരണവും പരിശീലന പരിപാടിയും സംഘടിപ്പിച്ചു.ബി. സി. സി ഹാളിൽ ഐ. എം. എ. മേഖല പ്രസിഡൻ്റ് ഡോ.മുഹമ്മദ് ബഷീർ ഉദ്ഘാടനം ചെയ്തു. പി.കെ.ലക്ഷ്മി അദ്ധ്യക്ഷത വഹിച്ചു. പി.കെ.രാജഗോപാലൻ, ഡോ.ദേവദാസ്, വി.സി. ശിവദാസൻ, കെ. രാമചന്ദ്രൻ, എം. പ്രശാന്തൻ, ഡോ. എൻ. കെ. സുരേഷ് ബാബു, ഗൗരി ചേനാട്ട് എന്നിവർ പ്രസംഗിച്ചു. ഡോ. റഷീദ്, ഡോ. ദേവദാസ് എന്നിവർ ഹൃദയസംരക്ഷണവുമായി ബന്ധപ്പെട്ട ക്ലാസും അവശ്യ ഘട്ടത്തിൽ ചെയ്യേണ്ട ഹൃദയ രക്ഷാ പ്രായോഗിക പരിശീലനവും നൽകി.