കൊയിലാണ്ടി: അടച്ചു പൂട്ടിയ പൊതുശ്മശാനം തുറന്നു പ്രവർത്തിപ്പിക്കണമെന്നാവശ്യപ്പെട്ട് ബി.ജെ.പി ചേമഞ്ചേരി ഏരിയ കമ്മിറ്റിയുടെ നേതൃത്വത്തിൽ പഞ്ചായത്ത് ഓഫീസിലേക്ക് ശവമഞ്ച പ്രതിഷേധ മാർച്ച് സംഘടിപ്പിച്ചു. പഞ്ചായത്ത് ഓഫീസിന് മുന്നിൽ പ്രതിഷേധക്കാരെ പൊലീസ് തടഞ്ഞു. ബി.ജെ.പി കൊയിലാണ്ടി മണ്ഡലം പ്രസിഡന്റ്‌ എസ്.ആർ ജയികിഷ് ഉദ്ഘടനം ചെയ്തു, ഏരിയ പ്രസിഡന്റ്‌ സജീവ്കുമാർ അദ്ധ്യക്ഷത വഹിച്ചു. മണ്ഡലം ജന.സെക്രട്ടറി അഡ്വ.എ.വി നിധിൻ, കർഷക മോർച്ച മണ്ഡലം പ്രസിഡന്റ് വിനോദ് കാപ്പാട്, യുവമോർച്ച മണ്ഡലം പ്രസിഡന്റ് ജിതേഷ് കാപ്പാട്, എസ് സി മോർച്ച മണ്ഡലം പ്രസിഡന്റ് രജീഷ് തൂവക്കോട്, ഒ.ബി.സി മോർച്ച മണ്ഡലം പ്രസിഡന്റ് ടി പി പ്രീജിത്ത്, പ്രസാദ് വെങ്ങളം എന്നിവർ പ്രസംഗിച്ചു.