കോ​ട്ട​യം​:​ ​കു​ഴി​യും വെള്ള ക്കെട്ടും ഇല്ലാ​ത്തൊ​രു​ ​സു​ന്ദ​ര​ ​റോ​ഡ് ​സ്വ​പ്‌​നം​ ​കാ​ണു​ക​യാ​ണ് ​കാ​ണ​ക്കാ​രി​ ​ന​മ്പ്യാ​കു​ളം​ ​നി​വാ​സി​ക​ൾ.​ ​​
കാ​ണ​ക്കാ​രി​ ​അ​മ്പ​ല​പ്പ​ടി​ ​മ​ഞ്ഞ​ക്കാ​ല​ ​ന​മ്പ്യാ​കു​ളം​ ​റോ​ഡ് ​ത​ക​ർ​ന്നു​ ​കി​ട​ക്കാ​ൻ​ ​തു​ട​ങ്ങി​യി​ട്ട് ​കാ​ലം​ ​കു​റേ​യാ​യി.​നി​ര​വ​ധി​ ​ആ​ളു​ക​ൾ​ ​ആ​ശ്ര​യി​ക്കു​ന്ന​ ​റോ​ഡാ​ണി​ത്.​ റോ​ഡി​ന്റെ​ ​പ​ല​ ​ഭാ​ഗ​ങ്ങ​ളി​ലും​ ​കു​ഴി​ക​ൾ​ ​രൂ​പ​പ്പെ​ട്ടി​രി​ക്കുന്നു.​ ​പ​ല​യി​ട​ത്തും​ ​ടാ​റിം​ഗ് ​നാ​മാ​വ​ശേ​ഷ​മാ​യി.​ ​വാ​ഹ​ന​ ​യാ​ത്ര​യും​ ​കാ​ൽ​ന​ട​യാ​ത്ര​യും​ ​ഒ​രു​പോ​ലെ​ ​ദു​ഷ്‌​ക​ര​മാ​ണ് ​ഇ​വി​ടെ.​ ​ഓ​ട്ടം​ ​വി​ളി​ച്ചാ​ൽ​ ​ഓ​ട്ടോ​റി​ക്ഷ​ക്കാ​ർ​ ​പോ​ലും​ ​ഇ​വി​ടേ​ക്ക് ​വ​രാ​റി​ല്ല.​ ​അ​ടു​ത്ത​കാ​ല​ത്ത് ​ഇ​വി​ടെ​ ​ഒ​രു​ ​മ​ര​ണ​മു​ണ്ടാ​യ​പ്പോ​ൾ​ ​മൃ​ത​ദേ​ഹം​ ​പോ​ലും​ ​വീ​ട്ടി​ലേ​ക്ക് ​എ​ത്തി​ക്കാ​ൻ​ ​ക​ഴി​യാ​ത്ത​ ​സ്ഥി​തി​യാ​യി​രു​ന്നെ​ന്ന് ​പ്ര​ദേ​ശ​വാ​സി​ക​ൾ​ ​പ​റ​യു​ന്നു.​ ​ തോ​ടും​ ​റോ​ഡും​ ​ചേ​രു​ന്ന​ ​ഭാ​ഗ​ത്ത് ​മ​ഴ​ക്കാ​ല​ത്ത് ​റോ​ഡി​ൽ​ ​വെ​ള്ള​ക്കെ​ട്ട് ​രൂ​പ​പ്പെ​ടു​മ്പോ​ൾ​ ​റോ​ഡി​ന്റെ​ ​സം​ര​ക്ഷ​ണ​ ​ഭി​ത്തി​യി​ലൂ​ടെ​ ​ക​യ​റി​യാ​ണ് ​സ്‌​കൂ​ൾ​ ​വി​ദ്യാ​ർ​ത്ഥി​ക​ൾ​ ​ക​ട​ന്നു​പോ​കു​ന്ന​ത്.

നിവേദനങ്ങളൊന്നും ഫലം കണ്ടില്ല...

റോ​ഡി​ന്റെ​ ​ദു​ര​വ​സ്ഥ​ ​ചൂ​ണ്ടി​ക്കാ​ട്ടി​ ​പ്ര​ദേ​ശ​വാ​സി​ക​ൾ​ ​പ​ഞ്ചാ​യ​ത്ത് ​അ​ധി​കൃ​ത​ർ​ക്ക് ​അ​ട​ക്കം​ ​പ​ല​ത​വ​ണ​ ​നി​വേ​ദ​ന​ങ്ങ​ൾ​ ​ന​ൽ​കി​യിട്ടുണ്ട്. പ​ഞ്ചാ​യ​ത്ത് ​ഫ​ണ്ട് ​ഉ​പ​യോ​ഗി​ച്ച​ ​റോ​ഡ് ​റീ​ടാ​റിം​ഗ് ​പൂർണമായി ന​ട​ത്താ​ൻ​ ​ക​ഴി​യി​ല്ല​.​ ഇതിനായി എം.​എ​ൽ.​എ​ ​ഫ​ണ്ടി​ൽ​ ​നി​ന്ന് ​തു​ക​ ​അ​നു​വ​ദി​ക്ക​ണ​മെ​ന്ന് ​പ​ല​ത​വ​ണ​ ​ആ​വ​ശ്യ​പ്പെ​ട്ടി​ട്ടും​ ​ന​ട​പ​ടി​ ​ഉ​ണ്ടാ​യി​ല്ല.​ ​ കാ​ണ​ക്കാ​രി​ ​അ​മ്പ​ല​പ്പ​ടി​ ​മ​ഞ്ഞ​ക്കാ​ല​ ​റോ​ഡി​ൽ​ ​ഏ​റ്റ​വും​ ​കൂ​ടു​ത​ൽ​ ​ത​ക​ർ​ന്ന​ 300​ ​മീ​റ്റ​റോ​ളം​ ​ദൂ​രം​ ​ടൈ​ൽ​ ​പാ​കു​ന്ന​തി​ന് ​പ​ഞ്ചാ​യ​ത്ത് ​ഫ​ണ്ടി​ൽ​ ​നി​ന്നും​ 7​ ​ല​ക്ഷം​ ​രൂ​പ​ ​അ​നു​വ​ദി​ച്ചത് ചെറിയൊരു ആശ്വാസമാണ്.​ ​അ​മ്പ​ല​പ്പ​ടി​ ​ചാ​ത്ത​മ​ല​ ​കോ​ള​നി​ ​റോ​ഡി​നാ​യി​ ​പൊ​തു​മ​രാ​മ​ത്ത് ​വ​കു​പ്പി​ൽ​ ​നി​ന്നും​ 20​ ​ല​ക്ഷം​ ​രൂ​പ​യും​ ​അ​നു​വ​ദി​ച്ചി​ട്ടു​ണ്ട്.​ ​എന്നാലും റോഡിന്റെ ഭൂരിഭാഗം ഭാഗവും തകർന്നു കിടക്കുകയാണ്.എം.​എ​ൽ.​എ​ ​ഫ​ണ്ടി​ൽ​ ​നി​ന്നും​ ​റോ​ഡി​നാ​യി​ ​പ​ണം​ അനുവദിച്ചാൽ മാത്രമേ റോഡ് പൂർണമായും നന്നാക്കാനാവൂ.

റോഡിന്റെ ശോചനീയാവസ്ഥയ്ക്ക് ഉടൻ പരിഹാരം കണ്ടില്ലെങ്കിൽ ജനകീയ സമരം ആരംഭിക്കും. -പ്രദേശവാസികൾ