മുട്ടം: മുട്ടം ടാക്സി സ്റ്റാന്റിലെ ഓട്ടോ - ടാക്സി തൊഴിലാളികൾ വർഷങ്ങളായി ആവശ്യപ്പെടുന്ന വിശ്രമ കേന്ദ്രം യാഥാർഥ്യമാകുന്നു. ഇന്നലെ ആരംഭിച്ച നിർമ്മാണം അടുത്ത ദിവസം പൂർത്തീകരിക്കും. ഓട്ടോ -ടാക്സി തൊഴിലാളികൾ മഴയത്തും വെയിലത്തും സമീപത്തുള്ള കച്ചവട സ്ഥാപനങ്ങളിലാണ് കഴിഞ്ഞിരുന്നത്. തുടർന്ന് വിശ്രമ കേന്ദ്രം സ്ഥാപിക്കാൻ പഞ്ചായത്ത് മുന്നിട്ടിറങ്ങുകയായിരുന്നു.ടാക്സി സ്റ്റാന്റിലെ വെളളക്കെട്ട് ഒഴിവാക്കാൻ ടാറിംഗ് ഇളകിയ ഭാഗത്ത് ടൈൽസ് വിരിക്കാനുളള നടപടികൾ പൂർത്തിയായതായും അടുത്ത ദിവസം തന്നെ ഇതിന്റെ പണികൾ ആരംഭിക്കുമെന്നും പ്രസിഡന്റ് ഷേർളി അഗസ്റ്റിൻ പറഞ്ഞു.