കട്ടപ്പന: വെള്ളയാംകുടി റോഡിൽ ഇന്നോവ കാർ നിർത്തിയിട്ട ബൈക്കിൽ ഇടിച്ച് ബൈക്ക് യാത്രികരായ രണ്ട് പേർക്ക് പരുക്ക്. വ്യാഴാഴ്ച്ച വൈകിട്ട് 5.15 ഓടെ റെനോൾട്ട് ഷോറൂമിനു സമീപത്തായിരുന്നു അപകടം. റോഡരുകിൽ നിർത്തിയ ബൈക്കിൽ പിന്നാലെയെത്തിയ ഇന്നോവ കാർ ഇടിക്കുകയായിരുന്നു. ബൈക്കിൽ ഇരിക്കുകയായിരുന്ന വണ്ടിപ്പെരിയാർ സ്വദേശികളായ യുവാക്കൾക്കാണ് പരുക്കേറ്റത്. ഇവരെ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു.ഇരുവാഹനങ്ങളും കട്ടപ്പന ഭാഗത്തേക്ക് വരികയായിരുന്നു. കൊച്ചറ സ്വദേശികൾ സഞ്ചരിച്ചിരുന്ന ഇന്നോവ കാർ ആണ് അപകടത്തിൽപെട്ടത്. ഇടിയുടെ ആഘാതത്തിൽ വാഹനങ്ങൾക്ക് സാരമായ കേടുപാടുകൾ സംഭവിച്ചിട്ടുണ്ട്. കട്ടപ്പന പോലീസ് സ്ഥലത്തെത്തി മേൽ നടപടികൾ സ്വീകരിച്ചു.