കൊല്ലം: അ​ഷ്ട​മു​ടി കായലിനെ വീ​ണ്ടെ​ടു​ക്കാനും മാ​ലി​ന്യ നിർ​മ്മാർ​ജ്ജ​നത്തിനുമായി ആരംഭിച്ച വി​വി​ധ പ​ദ്ധ​തി​ക​ളു​ടെ ഭാ​ഗ​മാ​യ 30 ക​ട​വു​ക​ളു​ടെ ന​വീ​ക​ര​ണം പൂർ​ത്തി​യാ​യി. മാ​ലി​ന്യമു​ക്ത ന​വകേ​ര​ള​ത്തി​നാ​യുള്ള ജ​ന​കീ​യ ക്യാ​മ്പ​യിൻ ഉ​ദ്​ഘാ​ട​ന​ത്തോ​ട​നു​ബ​ന്ധി​ച്ച് ക​ട​വു​ക​ളു​ടെ സമർപ്പണം ഇന്ന് ഉച്ചയ്ക്ക് 2ന് മന്ത്രി എം.ബി.രാജേഷ് നിർവഹിച്ചു. മേയർ പ്രസന്ന ഏണസ്റ്റ് പങ്കെടുക്കും.കോർ​പ്പ​റേ​ഷന്റെ നേ​തൃ​ത്വ​ത്തിൽ ക​ട​വു​ക​ളു​ടെ ന​വീ​ക​ര​ണം സം​സ്ഥാ​ന തീ​ര​ദേ​ശ വി​ക​സ​ന കോർ​പ്പ​റേ​ഷ​നാ​ണ് പൂർ​ത്തീ​ക​രി​ച്ച​ത്.

മാ​ലി​ന്യം വ​ലി​ച്ചെ​റി​യു​ന്ന​ത് ത​ട​യാൻ സി.സി ടി.വി ക്യാ​മ​റ​കളും സ്ഥാ​പി​ച്ചി​ട്ടു​ണ്ട്. ആ​ദ്യ​ഘ​ട്ടം എ​ന്ന നി​ല​യി​ലാ​ണ് 30 ക​ട​വു​ക​ളു​ടെ ന​വീ​ക​ര​ണം പൂർ​ത്തി​യാക്കിയത്. വി​വി​ധ പ​ഞ്ചാ​യ​ത്തു​ക​ളു​ടെ 20 ക​ട​വു​കൾ കൂ​ടി ഉടൻ നവീകരിക്കും.

അ​ഞ്ചു​വർ​ഷം വാ​റ​ന്റി​യു​ള്ള സോ​ളാർ ക്യാ​മ​റ​ക​ളാ​ണ് ക​ട​വുകളി​ലു​ള്ള​ത്. തു​ടർ​ച്ച​യാ​യി ഏ​ഴ് ദി​വ​സം സൂ​ര്യ​പ്ര​കാ​ശം ല​ഭി​ച്ചി​ല്ലെ​ങ്കി​ലും ക്യാ​മ​റ പ്ര​വർ​ത്തി​ക്കും. ക്യാ​മ​റ​ക​ളെ​ല്ലാം ടു​വേ സി​സ്റ്റ​ത്തിൽ പ്ര​വർ​ത്തി​ക്കു​ന്ന​വ​യാ​ണ്. ഓ​രോ ക്യാ​മ​റ​യും കോർ​പ്പ​റേ​ഷൻ​ മേ​യർ, ഡെ​പ്യൂ​ട്ടി മേ​യർ, മ​റ്റ് ബ​ന്ധ​പ്പെ​ട്ട ഉ​ദ്യോ​ഗ​സ്ഥർ എ​ന്നി​വ​രു​ടെ ഫോ​ണുകളു​മാ​യി ക​ണ​ക്ട് ചെ​യ്യാം. ഇ​തി​നാ​യി വോ​ഡാ​ഫോൺ ക​മ്പ​നി​യു​മാ​യി ക​രാറായി. സെൻ​സർ ക്യാ​മ​റ​കളായ​തി​നാൽ മാ​ലി​ന്യ​മാ​യി എ​ത്തു​ന്നവർ ദൃശ്യപരിധിയിലെത്തുമ്പോൾ തന്നെ 'മാ​ലി​ന്യം നി​ക്ഷേ​പി​ക്ക​രു​ത് ' എ​ന്ന സന്ദേശം ലഭിക്കും. ബ​ന്ധ​പ്പെ​ട്ട ഉ​ദ്യോഗസ്ഥർക്കും ഫോൺ വ​ഴി നിർദ്ദേശം നൽകാനാകും.

എല്ലായിടത്തും സോ​ളാർ വി​ള​ക്കു​ക​ളാ​ണ് സ്ഥാ​പി​ച്ചി​ട്ടു​ള്ള​ത്.

മ​റ്റ് സൗ​ന്ദ​ര്യ​വത്ക​ര​ണ പ്ര​വർ​ത്ത​ന​ങ്ങ​ൾ

 ക​ട​വു​ക​ളിലെ മാ​ലി​ന്യം നീ​ക്കം ചെ​യ്യൽ

 ചെ​ളി​ നീ​ക്കി ആ​ഴം ഉ​റ​പ്പാ​ക്കൽ

 പ​ട​വു​ക​ളു​ടെ ന​വീ​ക​ര​ണം

 ക​ട​വു​കൾ വൃ​ത്തി​യാ​യി സൂ​ക്ഷി​ക്കാൻ മു​ന്ന​റി​യി​പ്പു​കൾ

 കാ​യൽ സം​ര​ക്ഷണം ചൂ​ണ്ടി​ക്കാട്ടി ബോർ​ഡു​കൾ

 വിശ്രമിക്കാൻ കാ​സ്റ്റ്​ അ​യൺ ബെ​ഞ്ചു​കൾ

 സോ​ളാർ ലൈ​റ്റു​കൾ, ടി.വി, ക്യാ​മ​റ​കൾ

പ​രി​പാ​ല​നം, സം​ര​ക്ഷ​ണം എ​ന്നി​വ​യ്​ക്കാ​യി കൗൺ​സി​ലർ​മാർ ഉൾ​പ്പെ​ട്ട ജ​ന​കീ​യ സ​മി​തി​കൾ​ക്ക് രൂ​പം നൽ​കും.

ക​ട​വു​കൾ ഭം​ഗി​യു​ള്ള ടൈൽ​സ് പാ​കി മോടി പിടിപ്പിച്ചു.

കോർപ്പറേഷൻ അധികൃതർ