
കൊച്ചി: വില്പനയിൽ ഇരട്ടയക്ക വളർച്ചയും ഉത്സവ സീസണിന് മികച്ച തുടക്കവുമിട്ട് ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യ (എച്ച്എംഎസ്ഐ). 2024 സെപ്തംബറിൽ 5,83,633 യൂണിറ്റ് ഇരുചക്ര വാഹനങ്ങളാണ് കമ്പനി വിറ്റഴിച്ചത്. 11 ശതമാനമാണ് വാർഷിക വളർച്ച.  ആകെ വില്പനയിൽ 5,36,391 യൂണിറ്റുകൾ ആഭ്യന്തര വിപണിയിലാണ് വിറ്റഴിച്ചത്. 47,242 യൂണിറ്റുകൾ കയറ്റുമതി ചെയ്തു. കഴിഞ്ഞ വർഷം ഇതേ കാലയളവിനെ അപേക്ഷിച്ച് കയറ്റുമതി 34 ശതമാനം വർദ്ധിച്ചപ്പോൾ ആഭ്യന്തര വില്പനയിൽ 9 ശതമാനം വാർഷിക വളർച്ച രേഖപ്പെടുത്തി. 2024 ഏപ്രിൽ - സെപ്തംബർ കാലയളവിൽ 28,81,419 യൂണിറ്റുകളാണ് ആഭ്യന്തര വിപണിയിൽ ഹോണ്ട വിറ്റഴിച്ചത്. 2,76,958 യൂണിറ്റുകൾ കയറ്റുമതി ചെയ്തു.