ന്യൂഡൽഹി: തെക്കൻ കാശ്മീരിലെ അനന്ത്നാഗിൽ സൈനികനെ ഭീകരർ തട്ടിക്കൊണ്ടു പോയതായി റിപ്പോർട്ട്. ടെറിട്ടോറിയൽ ആർമിയിലുള്ള രണ്ട് സൈനികരെ തട്ടിക്കൊണ്ടുപോകാൻ ശ്രമിച്ചെങ്കിലും ഒരാൾ രക്ഷപ്പെട്ടു. സിവിൽ വേഷത്തിലായിരുന്നു രണ്ട് സൈനികരുമെന്നാണ് വിവരം. അനന്ത്നാഗിലെ കൊക്കർനാഗ് ഏരിയയിലെ ഷാൻഗസ് എന്ന സ്ഥലത്ത് വച്ചാണ് സംഭവം. സൈന്യവും ജമ്മു കാശ്മീർ പൊലീസും തെരച്ചിൽ ആരംഭിച്ചു.