ചെന്നൈ: ആഗോള ഉത്പന്ന എൻജിനിയറിംഗ് സേവന കമ്പനിയായ എക്സ്പെരിയോണിന്റെ ഭൂരിഭാഗം ഓഹരികളും ഏറ്റെടുക്കുന്നതിനായുള്ള കരാറിൽ ഒപ്പുവച്ച് ആർട്ടിഫിഷ്യൽ ഇന്റലിജന്റ്സ് അധിഷ്ഠിത ഡിജിറ്റൽ എൻജിനിയറിംഗ് കമ്പനിയായ ഇഡിയം. ലോകത്തിലെ പ്രമുഖ സ്വകാര്യ ഇക്വിറ്റി സ്ഥാപനങ്ങളിലൊന്നായ ഇക്യുടിയുടെ പിന്തുണയുള്ള സ്ഥാപനമാണ് ഇഡിയം. വടക്കേ അമേരിക്ക, യുകെ, യൂറോപ്പ്, ഓസ്‌ട്രേലിയ, ജപ്പാൻ തുടങ്ങിയ രാജ്യങ്ങളിലാണ് എക്സ്പെരിയോണിന്റെ മുഖ്യ ഉപഭോക്താക്കൾ.
“ഇൻഡിയത്തിന്റെയും എക്‌സ്‌പെരിയോണിന്റെയും സമന്വയം ഉപഭോക്താക്കൾക്ക് മികച്ച ഡിജിറ്റൽ, പ്രൊഡക്‌ട് എൻജിനിയറിംഗ് സൊല്യൂഷനുകൾ നൽകാനുള്ള ഞങ്ങളുടെ കഴിവ് വർദ്ധിപ്പിക്കും. നിലവിലുള്ളതും പുതിയതുമായ ഉപഭോക്താക്കളുമൊത്ത് ഒന്നിലേറെ പുത്തൻ അവസരങ്ങൾ തുറക്കാനാകുമെന്നതിൽ ഞങ്ങൾക്ക് ആത്മവിശ്വാസമുണ്ട്. അടുത്ത സാമ്പത്തിക വർഷം 150 ദശലക്ഷം ഡോള‌ർ വരുമാനമാണ് ലക്ഷ്യമിട്ടിട്ടുള്ളത്. ഇൻഡിയം സി.ഇ.ഒയും സഹസ്ഥാപകനുമായ രാം സുകുമാർ പറഞ്ഞു. ഇക്യുടി-ഇൻഡിയം കുടുംബത്തിന്റെ ഭാഗമാകാൻ കഴിഞ്ഞതിൽ സന്തോഷമുണ്ടെന്ന് എക്‌സ്‌പിരിയോൺ ടെക്‌നോളജീസ് സി.ഇ.ഒയും സഹസ്ഥാപകനുമായ ബിനു ജേക്കബ് പറഞ്ഞു.