കണ്ണൂർ : എ.ഡി.എം ​ന​വീ​ൻ​ ​ബാ​ബു​വി​ന്റെ​ ​മ​ര​ണ​ത്തി​ൽ​ ​റ​വ​ന്യു​വ​കു​പ്പിന്റെ നേതൃത്വത്തിൽ നടത്തുന്ന അന്വേഷണത്തിന്റെ ഭാഗമായി കളക്ടർ അടക്കമുള്ള ഉദ്യോഗസ്ഥരുടെ മൊഴിയെടുത്തു. ലാ​ൻ​ഡ് ​റ​വ​ന്യു​ജോ​യി​ന്റ് ​ക​മ്മി​ഷ​ണ​ർ​ ​എ.​ ​ഗീ​ത​ ​ക​ണ്ണൂ​ർ​ ​ക​ള​ക്ട​റേ​റ്റി​ലെ​ത്തി​ ​ക​ള​ക്ട​ർ​ ​അ​രു​ൺ​ ​വി​ജ​യ​ന്റെ​ ​മൊ​ഴി​യെ​ടു​ത്തു.​ ​മ​ര​ണ​ത്തി​ൽ​ ​ക​ള​ക്ട​ർ​ക്കെ​തി​രെ​ ​ആ​രോ​പ​ണ​ങ്ങ​ൾ​ ​നി​ല​നി​ൽ​ക്കു​ന്ന​ ​സാ​ഹ​ച​ര്യ​ത്തി​ലാ​ണ് ​തു​ട​ർ​ ​അ​ന്വേ​ഷ​ണ​ത്തി​നാ​യി​ ​എ.​ ​ഗീ​ത​യെ​ ​ചു​മ​ത​ല​പ്പെ​ടു​ത്തി​യ​ത്.

സം​ഭ​വ​ത്തി​ൽ​ ​പ്രാ​ഥ​മി​ക​ ​അ​ന്വേ​ഷ​ണം​ ​ന​ട​ത്തി​ ​റി​പ്പോ​ർ​ട്ട് ​സ​മ​ർ​പ്പി​ച്ച​ത് ​ക​ള​ക്ട​റാ​ണ്.​ ​പെ​ട്രോ​ൾ​ ​പ​മ്പ് ​എ​ൻ.​ഒ.​സി​യു​മാ​യി​ ​ബ​ന്ധ​പ്പെ​ട്ട​ ​ഫ​യ​ൽ​നീ​ക്കം​ ​ഗീ​ത​ ​പ​രി​ശോ​ധി​ച്ചു.​ ​എ.​ഡി.​എ​മ്മി​ന്റെ​ ​ഓ​ഫി​സി​ലെ​ ​ഉ​ദ്യോ​ഗ​സ്ഥ​രു​ടെ​യും പരാതിക്കാരൻ പ്രശാന്തന്റെയും ​ ​മൊ​ഴി​ ​രേ​ഖ​പ്പെ​ടു​ത്തി.​ മൊഴിയെടുക്കാനായി പ്രശാന്തനെ കളക്ടറേറ്റിലേക്ക് വിളിച്ചുവരുത്തുകയായിരുന്നു. ​അ​ടു​ത്ത​ ​ദി​വ​സ​വും​ ​തെ​ളി​വ് ​ശേ​ഖ​രി​ക്ക​ൽ​ ​തു​ട​രും.​ ഒരാഴ്ചയ്ക്കകം റിപ്പോർട്ട് സമർപ്പിക്കുമെന്ന് എ. ഗീത അറിയിച്ചു.

അതേസമയം, എഡിഎമ്മിന്റെ മരണത്തിൽ ആരോപണവിധേയയായ മുൻ കണ്ണൂർ ജില്ലാ പഞ്ചായത്ത് പ്രസിഡന്റ് പി.പി ദിവ്യ മൊഴിയെടുക്കാൻ സാവകാശം തേടി. എത്ര പേരുടെ മൊഴിയെടുത്തെന്ന് ഇപ്പോൾ പറയാനാവില്ലെന്നും എല്ലാം വിശദമായി റിപ്പോർട്ടിൽ വ്യക്തമാക്കുമെന്നും എ. ​ഗീത പറഞ്ഞു. ആവശ്യമെങ്കിൽ വീണ്ടും മൊഴിയെടുക്കുമെന്നും ഉദ്യോ​ഗസ്ഥ അറയിച്ചു.