ജറുസലേം: പാലസ്തീന് ഭക്ഷണവും മരുന്നുമടക്കമുള്ള സഹായമയച്ച് ഇന്ത്യ. യു.എൻ ഏജൻസിയായ യു.എൻ.ആർ.ഡബ്ല്യു.എ വഴി ഇന്ത്യ പാലസ്തീനിലേക്ക് സഹായം അയച്ചതായി വിദേശകാര്യ മന്ത്രാലയം ഇന്നലെ അറിയിച്ചു. 30 ടൺ മരുന്നുകളും ഭക്ഷണസാധനങ്ങളും അടങ്ങുന്ന ആദ്യഘട്ട സഹായമാണ് അയച്ചതെന്ന് മന്ത്രാലയ വക്താവ് രൺധീർ ജയ്‌സ്വാൾ പറഞ്ഞു. അവശ്യ മരുന്നുകളും ശസ്‌ത്രക്രിയാ സാമഗ്രികളുമടക്കം നിരവധി മെഡിക്കൽ ഉപകരണങ്ങൾ,​ ബിസ്ക്കറ്റുകടളടക്കമുള്ള ഭക്ഷണ സാധനൾ എന്നിവയും അയച്ചിട്ടുണ്ട്. ലെബനിനും ഇന്ത്യ സഹായം അയച്ചിരുന്നു.