ലണ്ടൻ: ഇംഗ്ലീഷ് ചാനൽ വഴി യു.കെയിലേക്ക് അനധികൃത കുടിയേറ്റക്കാരുമായി വന്ന ബോട്ട് മുങ്ങി ഇന്ത്യക്കാരൻ മരിച്ചു. പ്രാദേശിക സമയം,​ ഞായറാഴ്ച രാവിലെ 5.30ന് ഫ്രഞ്ച് തുറമുഖ നഗരമായ കാലെയിൽ നിന്ന് പുറപ്പെട്ട ബോട്ടാണ് അപകടത്തിൽപ്പെട്ടത്. മരിച്ചയാളുടെ വിവരങ്ങൾ പുറത്തുവിട്ടിട്ടില്ല. ബോട്ടിലുണ്ടായിരുന്ന മറ്റുള്ളവർ രക്ഷപ്പെട്ടു. ഇക്കൊല്ലം ഇംഗ്ലീഷ് ചാനൽ വഴി 29,578 അനധികൃത കുടിയേറ്റക്കാരാണ് യു.കെയിലെത്തിയത്.