ന്യൂ‌ഡൽഹി: സിനിമയിലും മറ്റും കാറുകളും ബെെക്കുകളും ഉയർന്നുപൊങ്ങുന്നത് നാം കണ്ടിട്ടുണ്ട്. എന്നാൽ ശരിക്കും അങ്ങനെ ഒരു കാഴ്ച റോഡിൽ കണ്ടാലോ? അത്തരം ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വെെറലാകുന്നത്. ഡൽഹിയിലെ ഗുരുഗ്രാമിലെ ഗോൾഫ് കോഴ്സ് റോഡിലാണ് സംഭവം. വേഗത്തിൽ വന്ന വെള്ളനിറത്തിലുള്ള ബിഎംഡബ്ല്യു കാർ വായുവിലൂടെ ഉയർന്ന് പൊങ്ങുന്നതാണ് വീഡിയോയിൽ ഉള്ളത്. എക്സ് പേജിലാണ് വീഡിയോ പങ്കുവച്ചിരിക്കുന്നത്.
പിന്നാലെ നിരവധി പേരാണ് കാരണം അന്വേഷിച്ച് രംഗത്തെത്തിയത്. എന്താണ് സംഭവിക്കുന്നതെന്നാണ് ചോദ്യം. ഒരു ഹമ്പിൽ ചാടിയതിന് പിന്നാലെയാണ് കാർ ഉയർന്ന് പൊങ്ങിപോകുന്നത്. റോഡിലെ സ്‌പീഡ് ബ്രേക്കറുകൾ തിരിച്ചറിയാൻ പ്രത്യേകിച്ച് അടയാളങ്ങൾ ഒന്നുമില്ലായിരുന്നു. ഹമ്പിൽ നിന്ന് ഉയർന്ന കാർ ഏകദേശം 15 അടിയോളം നീങ്ങിയാണ് റോഡിൽ പതിക്കുന്നത്. ഈ കാറിന് പിന്നാലെ ചില ലോറികളും ഇത്തരത്തിൽ അവിടെ ഉയർന്ന് പൊങ്ങുന്നതിന്റെ വീഡിയോ വന്നിരുന്നു.
Ouch!
— Bunny Punia (@BunnyPunia) October 28, 2024
This seems to have happened on a newly made unmarked speed breaker on golf course road in Gurugram!
Got it in one of my groups. Damn!
Can anyone from Gurgaon confirm this pic.twitter.com/EZMmvq7W1f