കല്ലറ: തുലാംമാസം തുടങ്ങി,​ മംഗള കർമ്മങ്ങളും തുടങ്ങിയതോടെ വാഴയിലയ്ക്കും ഡിമാന്റേറുന്നു. വാഴയിലയ്ക്ക് പകരം പ്ലാസ്റ്റിക് പേപ്പറുകൾ സ്ഥാനം പിടിച്ചിരുന്നെങ്കിലും മാലിന്യപ്രശ്നം ഉയർന്നതോടെ പലരും വാഴയിലയിലേക്ക് തന്നെ തിരിച്ചുവരികയാണ്. എന്നാൽ,​ ആശാന് ഡിമാന്റ് വർദ്ധിച്ചതോടെ ഇവ കിട്ടാനുമില്ല. തമിഴ്നാട്ടിലെ തൂത്തുക്കുടി,​ കോയമ്പത്തൂർ എന്നിവിടങ്ങളിൽ നിന്നാണ് പ്രധാനമായും ജില്ലയിലേക്ക് വാഴയില ഇപ്പോൾ എത്തുന്നത്. ഇലയ്ക്കുവേണ്ടി മാത്രം വാഴക്കൃഷി ചെയ്യുന്നവരും തമിഴ്നാട്ടിലുണ്ട്.

 ഒരു കെട്ടിന് - (100 എണ്ണം)​ 500 രൂപ

വലിയകെട്ടിന് - (250എണ്ണം)​ 1250 രൂപ

 ഞാലിപ്പൂവൻ വാഴയുടെ ഇലയ്ക്കാണ് ഡിമാൻഡ് കൂടുതൽ. മറ്റ് ഇലകളെ അപേക്ഷിച്ച് പെട്ടെന്ന് പൊട്ടില്ല, നേർത്തതുമാണ്.