റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ-മെയിൽ: samkhiyarathnam@gmail.com
2024 ഒക്ടോബർ 30 -1200 തുലാം 14 - ബുധനാഴ്ച. (രാത്രി 9 മണി 43 മിനിറ്റ് 1 സെക്കന്റ് വരെ അത്തം നക്ഷത്രം ശേഷം ചിത്തിര നക്ഷത്രം)
അശ്വതി: രഹസ്യം സൂക്ഷിക്കാന്‍ സാധിക്കില്ല, വാക്കുതര്‍ക്കം, വ്യവഹാരത്തില്‍ പരാജയ ഭീതി, സുഹൃത്തുക്കള്‍ മുഖേന ധനനഷ്ടം, അപരിചിതരുമായി പാര്‍ട്ടി കൂടരുത്, അസമയത്ത് ഒറ്റയ്ക്കുള്ള യാത്രയും മറ്റും ഒഴിവാക്കുക.
ഭരണി: മുതിർന്നവർ പറയുന്നത് വകവയ്ക്കാതെ പ്രവര്‍ത്തിക്കുന്നത് കാരണം നഷ്ടമോ അപകടമോ സംഭവിക്കാം, ശത്രു ദോഷം, രോഗങ്ങള്‍ കൊണ്ടുള്ള ധനചെലവ്, ഉപദേശം സ്വീകരിച്ചതിനു ശേഷം മാത്രം തീരുമാനങ്ങൾക്ക് അന്തിമ രൂപം കൊടുക്കുക.
കാര്‍ത്തിക: രഹസ്യ ഇടപാടുകള്‍ കാരണം മനോദുഃഖം, കൂട്ടുകാരുടെ നിര്‍ബന്ധങ്ങള്‍ക്ക് വഴങ്ങി അബദ്ധങ്ങളിൽ ചെന്ന് ചാടരുത്, പ്രതിയോഗികള്‍ ശക്തരാകും, ശാരീരികമായി ഉണ്ടായിരുന്ന അസ്വസ്ഥതകൾ കൂടുതൽ ആകും.
രോഹിണി: മറ്റുള്ളവരെ വശീകരിക്കാനും കാര്യങ്ങള്‍ അനുകൂലമാക്കാനും ഉള്ള കഴിവ് ഉണ്ടായിരിക്കും, അനുകൂലമായ സന്ദേശങ്ങള്‍ ലഭിക്കും, ഇതുവരെ ഉണ്ടായിരുന്ന സാമ്പത്തിക പ്രയാസങ്ങള്‍ക്ക് കുറവ് വരാം. വാക്‌സാമ‌ർത്ഥ്യം കാണിക്കും.
മകയിരം: ആത്മാര്‍ഥമായ സുഹൃത്തുക്കളെ ലഭിക്കും, സായാഹ്നം വരെ കാര്യങ്ങള്‍ ഏറെക്കുറെ അനുകൂലം പിന്നീട് വിഷമതകള്‍, ഉദരരോഗം, സമയത്തിനു ആഹാരം കഴിക്കാന്‍ സാധിക്കാത്ത രീതിയില്‍ പ്രശ്നങ്ങൾ വഷളാകാതെ നോക്കണം.
തിരുവാതിര: ആകര്‍ഷകമായി സംസാരിക്കുന്നതിനാല്‍ വലിയ നേട്ടങ്ങള്‍ ലഭിക്കും, ആഗ്രഹ സാഫല്യം. അപ്രതീക്ഷിത സ്ഥാനമാനങ്ങൾ, ശത്രു ശല്യം കുറയും, ബന്ധുബലം കൂടും, വിദ്യാലാഭം, രാഷ്ട്രീയ വിജയം, ദാമ്പത്യ വിഷയങ്ങളില്‍ പൊതുവേ സുഖവും സംതൃപ്തിയും അനുഭവപ്പെടും.
പുണര്‍തം: സംഗീതം സിനിമാ തുടങ്ങിയ കലകളോട്‌ താല്പര്യം കൂടും, സ്ത്രീകൾ വഴി ഗുണം, അംഗീകാരവും സ്ഥാനമാനങ്ങളും ലഭിക്കും, യാത്രകളില്‍ നേട്ടം, പങ്കാളി മുഖേന നേട്ടം, കുടുംബ സുഖം ലഭിക്കും.
പൂയം: പ്രതീക്ഷിച്ചിരിക്കുന്ന അംഗീകാരം കിട്ടും, ധനലാഭം, പ്രയാസം എന്ന് കരുതിയ സംഗതികള്‍ സാധിച്ചെടുക്കും, സന്താന ഗുണം, ക്രയവിക്രയങ്ങള്‍ നടത്തും, ഭര്‍തൃസഹായം ലഭിക്കും, ധനാഗമനത്തിനു സാദ്ധ്യത.
ആയില്യം: പുതിയ സ്നേഹ ബന്ധങ്ങള്‍ക്ക് തുടക്കം കുറിക്കും, വിദേശ വാസം ഗുണം ചെയ്യും, മാതാപിതാക്കള്‍ക്ക് ആരോഗ്യ കാര്യത്തില്‍ പുരോഗതി, സുഖാനുഭവങ്ങള്‍, ബിസിനസിൽ നിന്നും മികച്ച ലാഭം നേടും, കുടുംബത്തില്‍ ഐശ്വര്യവും സമാധാനവും വർദ്ധിക്കും.
മകം: വളരെക്കാലമായി കൊണ്ടുനടന്ന ആഗ്രഹങ്ങള്‍ സഫലമാകും, വ്യാപാര കാര്യങ്ങളില്‍ അഭിവൃദ്ധിയുണ്ടാകും, ദാന ധര്‍മ്മങ്ങള്‍ക്കായി ധാരാളം പണം ചിലവഴിക്കും, ശത്രു ജയം, കോടതി കാര്യങ്ങളില്‍ അനുകൂലമായ തീരുമാനങ്ങള്‍.
പൂരം: ദമ്പതികള്‍ തമ്മില്‍ അഭിപ്രായ ഐക്യം വളരെയധികം വർദ്ധിക്കും, രോഗങ്ങള്‍ക്ക് ശാന്തി കിട്ടും, പ്രമോഷന്‍ ലഭിക്കും, സന്തോഷ പ്രദമായ സമയം, ഉല്ലാസ യാത്രകൾ നടത്തും, സുഖാനുഭവങ്ങൾ, ചെലവിനേക്കാള്‍ വരവുണ്ടാകും.
ഉത്രം: ശത്രുക്കളുമായി രമ്യതയിലാകും, ധാരാളം സുഖാനുഭവങ്ങൾ, ബന്ധു സംഗമം, മാന്യത ലഭിക്കും, ദാമ്പത്യസുഖം, ഭൂമി സംബന്ധിച്ച കാര്യങ്ങളില്‍ അനുകൂല തീരുമാനം, പലവിധത്തിലും ഉണ്ടായിരുന്ന വിഷമാനുഭവങ്ങള്‍ക്ക് ശമനം.
അത്തം: ആഡംബര വസ്തുക്കള്‍ പങ്കാളിക്ക് സമ്മാനിക്കും, ആത്മീയ ചിന്താഗതികള്‍ ഉണ്ടാകും, മനഃപ്രയാസങ്ങള്‍ക്ക് കുറവനുഭപ്പെടും, ധനപ്രാപ്തി, വിദ്യാര്‍ഥികള്‍ക്ക് പൊതുവേ നല്ല സമയം, കാർഷിക രംഗത്തും വിദ്യാഭ്യാസ രംഗത്തും നേട്ടം, ഇന്റര്‍വ്യൂകളില്‍ വിജയം.
ചിത്തിര: കുടുംബപരമായി നല്ല സമയം, അധികാരികളുടെ പ്രോത്സാഹനവും മറ്റും ലഭിക്കും, ദാമ്പത്യ സുഖം, സന്താനലാഭം, ധനനേട്ടം, അന്യദേശ യാത്രക്ക് അനുമതി ലഭിക്കും, ആരോഗ്യ നില തൃപ്തികരം, മറ്റുള്ളവര്‍ക്ക് വേണ്ടി ഇഷ്ടമല്ലാത്ത പ്രവര്‍ത്തികള്‍ ചെയ്യേണ്ടി വരും.
ചോതി: പൊതു രംഗത്ത് പ്രവര്‍ത്തിക്കുന്നവര്‍ക്ക് അലസതയും മടിയും കൂടും, ധനത്തിന് ബുദ്ധിമുട്ടേണ്ടി വരും, ആരോഗ്യ പരിപാലനത്തിന് ധനം ചെലവാകും, ഉദ്ദേശിക്കുന്ന രീതിയിലൊന്നും കാര്യങ്ങള്‍ നടക്കാത്തതിനാല്‍ നിരാശാബോധം വളരും.
വിശാഖം: വിലപിടിച്ച സംഗതികള്‍ മോഷണം പോകും, സ്വന്തം പ്രയത്നത്തിന് യോജിച്ച അംഗീകാരം കിട്ടില്ല, വിദേശത്ത് നിന്നും പ്രതീക്ഷിച്ച ധനം ലഭിക്കില്ല, അലച്ചിലും ദുരിതങ്ങളും, ശത്രു ദോഷം, വിജയത്തിനായി വളരെയേറെ പരിശ്രമം ആവശ്യമായി വരും.
അനിഴം: സാമ്പത്തിക വിജയം പ്രതീക്ഷിച്ചുചെയ്ത പലതും നഷ്ടത്തില്‍ കലാശിക്കും, പരാജയ ഭീഷണി, അന്യ സ്ത്രീകൾ കാരണം ആപത്തുകൾ, വൈദ്യസഹായം ആവശ്യമായി വരും, കുടുബകലഹം, പണ ചെലവുകൾ വർദ്ധിക്കും, ചതിവ് പറ്റാം, സ്വജനകലഹം, തസ്കര ഭയം.
കേട്ട: വീട്ടില്‍ നിന്നും മാറി നില്‍കേണ്ട അവസ്ഥ സംജാതമാകും, രോഗം മൂലം കഷ്ടതകൾ, ജാമ്യം നില്‍ക്കുന്നത് മൂലം വിഷമതകള്‍, രേഖകളില്‍ ഒന്നും ഒപ്പുവച്ചു കൊടുക്കരുത്, യാത്രകൾ ഒഴിവാക്കുക.
മൂലം: മേലുദ്യോഗസ്ഥരുടെ അപ്രീതിക്ക് പാത്രമാകും, ശത്രു ദോഷം, കലഹങ്ങൾ ഉണ്ടാകാതെ നോക്കണം, നിരാശയും പ്രണയ പരാജയവും, തന്നിഷ്ടപ്രകാരം പ്രവർത്തിക്കും, സഞ്ചാര ക്ലേശം, ശാരീരികമായ അലട്ടലുകൾ, തൊഴിൽ മാന്ദ്യം.
പൂരാടം: അപവാദം കേൾക്കേണ്ടി വരും, സ്ത്രീകള്‍ മുഖേന ചതിയും അപമാനവും, പൊതു ജനപിന്തുണ കുറയും, വിവാഹ കാര്യങ്ങളിൽ കാലതാമസം നേരിടും അധിക ചെലവും ബുദ്ധിമുട്ടും അനുഭവപ്പെടും,
മുൻകോപവും എടുത്തു ചാട്ടവും ഒഴിവാക്കണം.
ഉത്രാടം: സാമ്പത്തിക സ്ഥിതി മെച്ചപ്പെടും, ആരോഗ്യസ്ഥിതി തൃപ്തികരം. യാത്രാവേളകൾ ഉല്ലാസപ്രദമാക്കും, ഗുരുജനപ്രീതി ലഭിക്കും, വിവാഹ കാര്യത്തിൽ തീരുമാനമാകും, വിദേശത്തു നിന്നും ശുഭവാർത്ത, വ്യവഹാര വിജയം, ശത്രുജയം.
തിരുവോണം: കുടുംബത്തിന്റെ പിന്തുണ ലഭിക്കും, വിദേശജോലി, കുടുംബത്തില്‍ സമാധാനം,
എഴുത്തുകാര്‍ക്ക് പേരും പെരുമയും കിട്ടും, ശത്രുജയം, പരീക്ഷാ വിജയം, സന്താനഭാഗ്യം. ബന്ധുഗുണം, പുതിയ സുഹൃത്തുക്കളെ ലഭിക്കും.
അവിട്ടം: ശുഭ വാർത്തകൾ ശ്രവിക്കും, പ്രേമസാഫല്യം നേടാൻ സാധിക്കുന്നതാണ്, പുതിയ സംരംഭങ്ങളിൽ ഏർപ്പെടും, ദുരിതമോചനം, ആപത്തുകളിൽ കൂട്ടുകാർ സഹായിക്കും, സർക്കാർ ആനുകൂല്യങ്ങൾ.
ചതയം: കൗശലം കൊണ്ട് കാര്യങ്ങള്‍ സ്വന്തം വരുതിയിലാക്കും, അനുകൂലമായ രീതിയില്‍ ജോലിയില്‍ ഉന്നത സ്ഥാന ലഭ്യത, കുടുംബത്തിൽ സ്വസ്ഥതയും സമാധാനവും ഉണ്ടാകും, കട ബാദ്ധ്യതയിൽ നിന്നും മോചനം.
പൂരുരുട്ടാതി: ആഗ്രഹാസാഫല്ല്യം നേടും, യാത്രകളില്‍ നിന്നും ഗുണാനുഭങ്ങള്‍, ധനാഗമാത്തിന് അനുകൂലമായ സാഹചര്യം, കൂട്ടുകാര്‍ മുഖേന സുഖാനുഭവങ്ങള്‍, മാതൃഗുണം, താല്‍ക്കാലിക ജോലിസ്ഥിരമാകും, പ്രശസ്ഥിയും വിജയവും.
ഉത്തൃട്ടാതി: കലാരംഗത്തും അദ്ധ്യാപന രംഗത്തും ഉള്ളവര്‍ക്ക് നല്ല സമയം, അലങ്കാരങ്ങള്‍ക്കും മറ്റും പണം ചിലവാക്കും, അന്യരെ സഹായിക്കാനുള്ള മനസ്സ് കാണിക്കും, സ്ത്രീകള്‍ മുഖേനെ നേട്ടം, ധനചെലവ് പ്രതീക്ഷിക്കാം.
രേവതി: ധനാഭിവൃദ്ധിയുടെ സമയം, മത്സര പരീക്ഷകളിൽ വിജയം, ബിസിനസിൽ പുരോഗതി, പ്രാർത്ഥന കൊണ്ട് ദുരിതമോചനം, വിനോദയാത്ര, പുതിയ അവസരങ്ങൾ, ഭൂമി വാങ്ങാൻ നല്ല സമയം, സഹായം കൈപ്പറ്റിയവർ അവശ്യ സമയത്ത് ഉപകരിക്കില്ല, ലഹരി വസ്തുക്കൾ ഉപയോഗിക്കരുത്.