പട്ടാമ്പി: ചാലിശ്ശേരി സെന്റ് പിറ്റേഴ്സ് ആൻഡ് സെന്റ് പോൾസ് യാക്കോബായ സുറിയാനി പള്ളിയിൽ പരിശുദ്ധ ചാത്തുരുത്തിൽ ഗീവർഗീസ് മോർ ഗ്രിഗ്രോറിയോസ് പരുമല കൊച്ചു തിരുമേനിയുടെ 122-ാമത് ഓർമ്മപെരുന്നാളിന് കൊടിയേറി. വിശുദ്ധ കുർബാനക്ക് ശേഷം വികാരി ഫാ. ബിജു മുങ്ങാംകന്നേൽ പെരുന്നാളിന് കൊടിയേറ്റി. നവംബർ 2, 3 ദിവസങ്ങളിലാണ് പെരുന്നാൾ ആഘോഷം. നാളെ വൈകീട്ട് 6.30ന് സന്ധ്യാ നമസ്‌ക്കാരം, വചന സന്ദേശം. ഞായറാഴ്ച രാവിലെ പ്രഭാത പ്രാർത്ഥന, വിശുദ്ധ കുർബാന, പെരുന്നാൾ പ്രദക്ഷിണം, ആശിർവാദം, നേർച്ചസദ്യ എന്നിവ നടക്കും.