തിരുവല്ല : എസ്.എൻ.ഡി.പി.യോഗം തിരുവല്ലാ യൂണിയൻ വനിതാസംഘം ആർ.ശങ്കർ മേഖലാ കൺവെൻഷൻ ഒക്ടോബർ ആറിന് നെടുമ്പ്രം ഈസ്റ്റ് ശാഖാ ഓഡിറ്റോറിയത്തിൽ നടക്കും. രാവിലെ 9ന് രജിസ്‌ട്രേഷൻ. സംഘടനാ പ്രവർത്തനത്തിൽ സ്ത്രീകളുടെ പങ്ക് എന്ന വിഷയത്തിൽ മോട്ടിവേഷൻ ട്രെയിനർ രാജേന്ദ്രപ്രസാദ് അമൃത 9.30ന് ക്ലാസ് നയിക്കും. 11ന് എസ്.എൻ.ഡി.പി.യോഗം വനിതാസംഘം കേന്ദ്രസമിതി പ്രസിഡന്റ് കെ.പി കൃഷ്ണകുമാരി സമ്മേളനം ഉദ്ഘാടനം ചെയ്യും. വനിതാസംഘം യൂണിയൻ പ്രസിഡന്റ് സുമ സജികുമാർ അദ്ധ്യക്ഷത വഹിക്കും. യൂണിയൻ പ്രസിഡന്റ് ബിജു ഇരവിപേരൂർ മുഖ്യപ്രഭാഷണവും സെക്രട്ടറി അനിൽ എസ്. ഉഴത്തിൽ ആമുഖപ്രസംഗവും നടത്തും, യോഗം അസി.സെക്രട്ടറി പി.എസ്.വിജയൻ സംഘടനാ സന്ദേശം നൽകും. യോഗം അസി.സെക്രട്ടറി എസ് രവീന്ദ്രൻ വിശിഷ്ടാതിഥിയാകും.
യൂണിയൻ വൈസ് പ്രസിഡന്റ് കെ.ജി ബിജു, വനിതാസംഘം യൂണിയൻ സെക്രട്ടറി മണിയമ്മ സോമശേഖരൻ,​ കുമാരിസംഘം കോ-ഓർഡിനേറ്റർ ശോഭാ ശശിധരൻ, വനിതാസംഘം വൈസ് പ്രസിഡന്റ് ഇന്ദു വി.ആർ, ജോ.സെക്രട്ടറി ശ്രീവിദ്യ, ട്രഷറർ കവിതാ സുരേന്ദ്രൻ, കേന്ദ്രസമിതി അംഗം ഗീതാ ശശി, കോഓർഡിനേറ്റർ ഓമന വിദ്യാധരൻ, കൺവീനർ രജനി കെ.സി, യൂണിയൻ കൗൺസിലർമാരായ മനോജ് ഗോപാൽ, ബിജു മേത്താനം, സരസൻ ഓതറ, രാജേഷ് മേപ്രാൽ, അനിൽ ചക്രപാണി, പഞ്ചായത്ത് കമ്മിറ്റിയംഗങ്ങളായ കെ.എൻ.രവീന്ദ്രൻ, കെ.കെ.രവി, ശാഖാപ്രസിഡന്റ് സന്തോഷ്, സെക്രട്ടറി രാജേന്ദ്രൻ എസ്, ബാലജനയോഗം കോർഡിനേറ്റർ പ്രസന്നകുമാർ, എംപ്ലോയീസ് ഫോറം കോർഡിനേറ്റർ ഷാൻ ഗോപൻ, വൈദികയോഗം രക്ഷാധികാരി ഷാജി ശാന്തി, പ്രസിഡന്റ് സുജിത്ത് ശാന്തി, സെക്രട്ടറി ഷിബു ശാന്തി, സൈബർസേന കോർഡിനേറ്റർ അവിനാഷ് മനോജ് എന്നിവർ പ്രസംഗിക്കും.
മുത്തൂർ,വെൺപാല,കാട്ടൂക്കര, തെങ്ങേലി.പടിഞ്ഞാറ്റുശേരി,ചുമത്ര, കിഴക്കൻമുത്തൂർ, നെടുമ്പ്രം ഈസ്റ്റ് ശാഖകളിലെ വനിതാസംഘം പ്രവർത്തകർ പങ്കെടുക്കും. സൗജന്യ തൈറോയിഡ് രോഗനിർണയ കാമ്പ് ഉണ്ടായിരിക്കും.