മല്ലപ്പള്ളി:കല്ലൂപ്പാറ അഗ്രികൾച്ചർ പ്രൊഡ്യൂസേഴ്സ് ആൻഡ് പ്രമോട്ടേഴ്സ് അസോസിയേഷൻ കല്ലൂപ്പാറ ഗ്രാമപഞ്ചായത്ത്, തിരുവല്ല മാർത്തോമ കോളേജ് സസ്യ ശാസ്ത്ര വിഭാഗം എന്നിവയുടെ സഹകരണത്തോടെ കറുത്തവടശ്ശേരികടവ് പാലത്തിനു സമീപം നട്ടുപരിപാലിക്കുന്ന പച്ചത്തുരുത്ത് പദ്ധതിക്ക് തുടക്കമായി. ആന്റോ ആന്റണി എം.പി ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഗീതാ ശ്രീകുമാർ അദ്ധ്യക്ഷത വഹിച്ചു. സി.കെ മത്തായി ആമുഖ പ്രസംഗം നടത്തി. ലെജു ഏബ്രഹാം പദ്ധതി വിശദീകരിച്ചു.എബി മേക്കിരിങ്ങാട്ട്,അമ്പിളി പ്രസാദ്, ജ്ഞാനമണി മോഹൻ,റജി ചാക്കോ, സൂസൻ തോംസൺ,ചെറിയാൻ മണ്ണഞ്ചേരി, മനുഭായി മോഹൻ,കെ.ബി.രാമചന്ദ്രൻ, രതീഷ് പീറ്റർ, ടി.ടി.മനു, ജോളി റജി, ബെൻസി അലക്സ്, ജ്യോതി.പി, ലൈസാമ്മ സോമർ, കെ.റിനോഷ് വർഗീസ് , പി.ബി. സജി കുമാർ, ശിവകുമാർ അമൃതകല, സതീഷ് ഏബ്രഹാം, ടിജോ ജോസഫ്, റെജി ഏബ്രഹാം എന്നിവർ പ്രസംഗിച്ചു. ബിജോയ് പുത്തോട്ടിൽ,​ ജേക്കബ് തോമസ് എന്നിവർ സംസാരിച്ചു. മണിമലയാറിന്റെ തീരത്ത് വെള്ളപ്പൊക്കത്തെ അതിജീവിച്ച് വളരാൻ ശേഷിയുള്ളഇനം മരങ്ങൾ നട്ട് സംരക്ഷണം ഉറപ്പാക്കിയാണ് പച്ചത്തുരുത്ത് തീർക്കുക. വെള്ളപയിൻ, നീർമരുത്, നീർമ്മാതളം, വെമ്പാല, ആറ്റുവഞ്ചി, ഉങ്ങ്, പപ്പടമരം,കരിന്തകര, കുള മാവ്,മരുത്,മരോട്ടി,ഏഴിലംപാല,ഞാവൽ, പലകപയ്യാനി,വഴന തുടങ്ങിയ മരങ്ങളുടെ തൈകളാണ് നട്ടത്. സംസ്ഥാനത്തിന്റെ വിവിധഭാഗങ്ങളിൽ നിന്നാണിവ ശേഖരിച്ചത്. മാർത്തോമ കോളേജിലെ വിദ്യാർത്ഥികൾക്കു പുറവെ വിവിധ തുറകളിൽ പ്രവർത്തിക്കുന്നവരും പ്രദേശവാസികളും തൈകൾ നടാൻ എത്തിയിരുന്നു.