അടൂർ: മൂന്നാളം ഗവ.എൽ.പി.സ്‌കൂളിനെ മാതൃകാ സ്‌കൂളാക്കി മാറ്റുമെന്ന് ഡെപ്യൂട്ടി സ്പീക്കർ ചിറ്റയം ഗോപകുമാർ പറഞ്ഞു. സ്‌കൂളിന്റെ തുടർ പ്രവർത്തനങ്ങളുടെ ഉദ്ഘാടനം നിർവഹിക്കുകയായിരുന്നു അദ്ദേഹം. 14 ലക്ഷം രൂപ എം.എൽ.എ ഫണ്ട് വിനിയോഗിച്ച് പാർക്കിന്റെ നിർമ്മാണം ഉടൻ ആരംഭിക്കും. നഗരസഭ ചെയർപേഴ്സൺ ദിവ്യാ റെജി മുഹമ്മദ് അദ്ധ്യക്ഷത വഹിച്ചു. വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ എം.അലാവുദ്ദീൻ, എ.ഇ.ഒ സീമാ ദാസ്, കൗൺസിലർമാരായ അനിതാദേവി, ശോഭാ തോമസ്, സിനി സുജിത്, പ്രശാന്ത് ചന്ദ്രൻ പിള്ള, ഫാ.തോമസ് മുകളിൽ, മുഫീദ ബീഗം, ഹെഡ്മിസ്ട്രസ് വി.ലീന , ഉബൈദുള്ള , അനുപമ എബി എന്നിവർ പ്രസംഗിച്ചു.