ഇലന്തൂർ : തോമസ് ചെറിയാന്റെ മൃതദേഹം അടക്കിയത് ഇടവക പള്ളിയായ കരൂർ സെന്റ് പീറ്റേഴ്സ് ഒാർത്തഡോക്സ് പള്ളി സെമിത്തേരിയിയി​ൽ തയ്യാറാക്കിയ പ്രത്യേകം കല്ലറയിൽ. തോമസ് ചെറിയാന്റെ മാതാപിതാക്കളായ ഒ.എം.തോമസിന്റെയും ഏലിയാമ്മയുടെയും അന്ത്യവി​ശ്രമവും ഇവി​ടെയാണ്. കുടുംബക്കല്ലറയിൽ അടക്കം ചെയ്യാനായിരുന്നു ബന്ധുക്കൾക്ക് താൽപ്പര്യം. എന്നാൽ, രാജ്യത്തി​ന്റെ ചരിത്രത്തിലെ ഏറ്റവും ദീർഘമായ തെരച്ചിലിനൊടുവിൽ കിട്ടിയ സൈനികന്റെ മൃതദേഹം പ്രത്യേക പരിഗണനയോടെ സംസ്കരി​ക്കണമെന്ന് സഭാനേതൃത്വം തീരുമാനിക്കുകയായിരുന്നു. വൈദികർക്കായുള്ള കല്ലറയ്ക്ക് സമീപമാണ് തോമസ് ചെറിയാനും കല്ലറയൊരുക്കിയത്. സമീപകാലത്ത് സംസ്ഥാനത്ത് ക്രിസ്ത്യൻ പള്ളിയിൽ പ്രത്യേകം കല്ലറ തയ്യാറാക്കിയി​ട്ടുള്ളത് മുൻ മുഖ്യമന്ത്രി ഉമ്മൻചാണ്ടിക്ക് വേണ്ടി​യാണ്.