തിരുവല്ല : മെഡിക്കൽ മിഷനും കേരള സോഷ്യൽ ഫോറസ്റ്റട്രി പത്തനംതിട്ട ഡിവിഷനും എൻ.ആർ.സി ഫോർ എൻ.സി.ഡിയും സംയുക്തമായി ഗാന്ധിജയന്തി വാരത്തോട് അനുബന്ധിച്ചു നടത്തുന്ന വിവിധ പരിപാടികൾ ഇന്ന് രാവിലെ 11മുതൽ തിരുവല്ല മെഡിക്കൽ മിഷൻ ആശുപത്രി അങ്കണത്തിൽ നടക്കും. മാത്യു ടി.തോമസ് എം.എൽ.എ ഉദ്ഘാടനം ചെയ്യും. ടി.എം.എം ആശുപത്രി 90 വർഷങ്ങൾ പൂർത്തിയാക്കുന്നതിന്റെ ഭാഗമായി 90 വൃക്ഷത്തൈകൾ ആശുപത്രി ക്യാമ്പസിൽ നടുന്നതിന്റെ ഉദ്ഘാടനം റാന്നി അഡി. ഫോറസ്റ്റ് കൺസർവേറ്റർ രാഹുൽ ബി, നിർവഹിക്കും. റാന്നി ഫോറസ്റ്റ് റേഞ്ച് ഓഫീസർ വി.എസ്. സുഹൈബ്, അസി.റേഞ്ച് ഓഫീസർ പി.ജോൺ, എൻ.ആർ.സി - എൻ.സി.ഡി എക്സിക്യൂട്ടീവ് ഡയറക്ടർ ജോൺസൻ ഇടയാറന്മുള എന്നിവർ സംസാരിക്കും. രാവിലെ 9മുതൽ സ്കൂൾ കുട്ടികൾക്കായി പോസ്റ്റർ ഡിസൈൻ മത്സരവും സംഘടിപ്പിക്കും. മത്സരവിജയികൾക്ക് സമ്മാനങ്ങളും വിതരണം ചെയ്യും.