കോന്നി : കോന്നി കെ.എസ്.ആർ.ടി.സി ഡിപ്പോയിൽ യാർഡ് നിർമ്മാണം പുരോഗമിക്കുന്നു. ജി.എസ് .ബി, ഡബ്ലിയു .എം. എം പ്രവർത്തികൾ നിലവിൽ പൂർത്തിയായിട്ടുണ്ട്. ഒരാഴ്ചയ്ക്കുള്ളിൽ ടാറിംഗ് ജോലികൾ പൂർത്തീകരിക്കും. യാത്രക്കാർക്കായി അമിനിറ്റി സെന്റർ, പൊലീസ് എയ്ഡ് പോസ്റ്റ്, ടോയ്ലെറ്റ് എന്നിവയും നിർമ്മിക്കുന്നുണ്ട്. യാർഡ് പൊതുമരാമത്ത് നിരത്ത് വിഭാഗവും, അമിനിറ്റി സെന്റർ എൽ.എസ്. ജി. ഡി യുമാണ് നിർമ്മിക്കുന്നത്. അഡ്വ.കെ.യു. ജനീഷ് കുമാറിന്റെ എം.എൽ.എ ഫണ്ടിൽ നിന്ന് ഒന്നര കോടി രൂപ ഉപയോഗിച്ച് ഡിപ്പോ നിർമ്മാണം നേരത്തെ പൂർത്തീകരിച്ചിരുന്നു. കെട്ടിട നിർമ്മാണ പൂർത്തീകരണത്തിനും വൈദ്യുതീകരണത്തിനുമായി 50 ലക്ഷം രൂപയും സ്റ്റാൻഡിൽ ആവശ്യമായ ഹൈമാസ് ലൈറ്റുകൾ സ്ഥാപിക്കുന്നതിനാ് 32 ലക്ഷം രൂപ എം.എൽ. എ ഫണ്ടിൽ നിന്നും അനുവദിച്ചിരുന്നു.

...............

കോന്നി കെ.എസ്.ആർ.ടി.സി ബസ് സ്റ്റേഷൻ ഡിജിറ്റലൈസ് ചെയ്യുന്നതിന് എം.എൽ.എ ഫണ്ടിൽ നിന്നും എട്ട് ലക്ഷം രൂപ അനുവദിച്ചിട്ടുണ്ട്. ബന്ധപ്പെട്ട ഏജൻസികളുടെ യോഗം വിളിച്ച് നിർമ്മാണ പ്രവർത്തികൾ വേഗത്തിൽ പൂർത്തീകരിക്കാൻ ആവശ്യമായ നിർദ്ദേശം നൽകും.

അഡ്വ. കെ.യു. ജനീഷ് കുമാർ (എം.എൽ.എ)