കോഴഞ്ചേരി : വിദ്യാഭ്യാസസ്ഥാപനങ്ങളിലെ ഭൗതിക സാഹചര്യങ്ങൾ വിദ്യാഭ്യാസ നിലവാരത്തേപ്പോലും സ്വാധീനിക്കുമെന്നതിനാൽ ഇത്തരം സാഹചര്യങ്ങൾ ഒരുക്കാൻ മാനേജ്‌മെന്റുകൾ ബാദ്ധ്യസ്ഥരാണെന്ന് എസ്.എൻ.ഡി.പി യോഗം കോഴഞ്ചേരി യൂണിയൻ പ്രസിഡന്റ് മോഹൻ ബാബു പറഞ്ഞു. കാരംവേലി എസ്.എൻ.ഡി.പി. സ്‌കൂളിലെ നവീകരിച്ച ഡൈനിങ്ങ് ഹാളിന്റെ ഉദ്ഘാടനം നിർവഹിക്കുകയായിരുന്നു അദ്ദേഹം. പി.ടി.എ പ്രസിഡന്റ് എസ്. സനലിന്റെ അദ്ധ്യക്ഷതയിൽ കൂടിയ സമ്മേളനത്തിൽ കോഴഞ്ചേരി യൂണിയൻ കൗൺസിലർമാരായ പ്രേംകുമാർ മുളമൂട്ടിൽ, രാജൻ കുഴിക്കാലാ, കാരംവേലി ശാഖാ പ്രസിഡന്റ് എം.വി. ജയരാജൻ, സെക്രട്ടറി കെ. പ്രസന്നൻ എന്നിവർ പ്രസംഗിച്ചു.. ഹെഡ്മിസ്ട്രസ് പുഷ്പ എസ്. പദ്ധതിവിശദീകരണം നടത്തി. പ്രിൻസിപ്പൽ വി.എസ്. ബീന സ്വാഗതവും സ്റ്റാഫ് സെക്രട്ടറി സലിം നന്ദിയും പറഞ്ഞു.