മല്ലപ്പള്ളി: കോട്ടാങ്ങൽ - പാടിമൺ റോഡിൽ വായ്പൂര് വൈദ്യശാലപ്പടിക്ക് സമീപം നിയന്ത്രണം വിട്ട കാറും ബൈക്കും കൂട്ടിയിടിച്ച് ബൈക്ക് യാത്രികർക്ക് പരിക്ക്. ഷാജി (40) അനികുമാർ (29) എന്നിവർക്കാണ് പരിക്കേറ്റത്. ഇവരെ മല്ലപ്പള്ളി താലൂക്ക് ആശുപത്രിയിൽ പ്രവേശിപ്പിച്ചു.വായ്പ്പൂരിൽ നിന്ന് വരുകയായിരുന്ന ബൈക്കും,​ ചങ്ങനാശേരിയിൽ നിന്ന് എത്തിയ കാറുമാണ് കൂട്ടിയിടിച്ചത്. ഇന്നലെ ഉച്ചയ്ക്ക് 1.30 നായിരുന്നു അപകടം. 11 കെവി വൈദ്യതിലൈനും കാറിടിച്ച് തകർന്നിട്ടുണ്ട്.