തിരുവല്ല : 'തൊഴിലിടങ്ങളിലെ മാനസികാരോഗ്യം ' എന്ന വിഷയത്തെ മുൻനിറുത്തി പുഷ്പഗിരി സൈക്യാട്രി ഡിപ്പാർട്‌മെന്റും പുഷ്പഗിരി കോളേജ് ഓഫ് നഴ്‌സിംഗും ജോയ് ആലുക്കാസ് ഫൗണ്ടേഷനും ചേർന്ന് മാനസികാരോഗ്യ ബോധവത്കരണ റാലി നടത്തി. പുഷ്പഗിരി ഫെസിലിറ്റി ഡയറക്ടർ ഫാ.മാത്യു പുത്തൻപുര ഫ്‌ളാഗ് ഓഫ് ചെയ്തു. പുഷ്പഗിരി ഗ്രൂപ്പ്​ ഓഫ് ഇൻസ്റ്റിറ്റിയൂഷൻ സി.ഇ.ഒ ഫാദർ ബിജു പയ്യമ്പള്ളിൽ, മെഡിക്കൽ ഡയറക്ടർ ഡോ.അബ്രഹാം വർഗീസ്, മെഡിക്കൽ കോളേജ് പ്രിൻസിപ്പൽ ഡോ.റീന തോമസ്, സൈക്യാട്രി വിഭാഗം മേധാവി ഡോ.ജോയിസ് ജിയോ, അസിസ്റ്റന്റ് പ്രൊഫ. ഡോ.സൗമ്യ പി.തോമസ് തുടങ്ങിയവർ പ്രസംഗിച്ചു.