തിരുവല്ല : എസ്.എൻ.ഡി.പി.യോഗം തിരുവല്ലാ യൂണിയൻ വനിതാസംഘം ഡോ.പൽപ്പു മേഖലാ കൺവെൻഷൻ 20ന് കടപ്ര വളഞ്ഞവട്ടം ശാഖാ ഓഡിറ്റോറിയത്തിൽ നടക്കും. രാവിലെ 9ന് രജിസ്‌ട്രേഷൻ 9.30മുതൽ സംഘടനാ പ്രവർത്തനത്തിൽ സ്ത്രീകളുടെ പങ്ക് എന്ന വിഷയത്തിൽ വനിതാസംഘം കേന്ദ്രസമതി അംഗം രേഖ അനിൽ ക്ലാസ് നയിക്കും. 11ന് എസ്.എൻ.ഡി.പി.യോഗം അസി.സെക്രട്ടറി വനജാ വിദ്യാധരൻ സമ്മേളനം ഉദ്ഘാടനം ചെയ്യും. വനിതാസംഘം യൂണിയൻ പ്രസിഡന്റ് സുമ സജികുമാർ അദ്ധ്യക്ഷത വഹിക്കും. യൂണിയൻ പ്രസിഡന്റ് ബിജു ഇരവിപേരൂർ മുഖ്യപ്രഭാഷണവും സെക്രട്ടറി അനിൽ എസ്.ഉഴത്തിൽ ആമുഖപ്രസംഗവും നടത്തും, യോഗം അസി.സെക്രട്ടറി പി.എസ്.വിജയൻ സംഘടനാ സന്ദേശം നൽകും. ഇൻസ്‌പെക്റ്റിംഗ് ഓഫീസർ എസ്.രവീന്ദ്രൻ വിശിഷ്ടാതിഥിയാകും. യൂണിയൻ വൈസ് പ്രസിഡന്റ് കെ.ജി ബിജു, വനിതാസംഘം യൂണിയൻ സെക്രട്ടറി മണിയമ്മ സോമശേഖരൻ,​ വൈസ് പ്രസിഡന്റ് ഇന്ദു വി.ആർ, ജോ.സെക്രട്ടറി ശ്രീവിദ്യ, ട്രഷറർ കവിതാ സുരേന്ദ്രൻ, കോർഡിനേറ്റർ ഷൈലജാ സോമൻ, യൂണിയൻ കൗൺസിലർമാരായ മനോജ് ഗോപാൽ, ബിജു മേത്താനം, സരസൻ ഓതറ, രാജേഷ് മേപ്രാൽ, അനിൽ ചക്രപാണി, പഞ്ചായത്ത് കമ്മിറ്റിയംഗങ്ങളായ കെ.കെ.രവി, കെ.എൻ.രവീന്ദ്രൻ, ശാഖാ ചെയർമാൻ സുഭാഷ് മേപ്രാശേരിൽ, കൺവീനർ ഗോപാലകൃഷ്ണൻ, സൈബർസേന കോർഡിനേറ്റർ അവിനാഷ് മനോജ് എന്നിവർ പ്രസംഗിക്കും. കടപ്ര നിരണം, സരസകവീശ്വരം, മണ്ണംതോട്ടുവഴി, മണ്ണംതോട്ടുവഴി ഈസ്റ്റ്, നിരണം നോർത്ത്, പരുമല സരസകവീശ്വരം, തേവേരി, കടപ്ര വളഞ്ഞവട്ടം എന്നീ ശാഖകളിലെ വനിതാസംഘം പ്രവർത്തകർ പങ്കെടുക്കും.