ചെങ്ങന്നൂർ : ഐ.എച്ച്.ആർ.ഡി എൻജിനീയറിംഗ് കോളേജിലെ മഞ്ഞപ്പിത്ത ബാധയെ തുടർന്ന് നഗരസഭാ ആരോഗ്യ വിഭാഗം തുടർ പരിശോധനകൾ നടത്തി. നഗരസഭാ സീനിയർ പബ്ലിക് ഹെൽത്ത് ഇൻസ്‌പെക്ടർ സി നിഷയുടെ നേതൃത്വത്തിൽ നടന്ന പരിശോധനയിൽ ഹോട്ടലുകളിലേയും ബേക്കറികളിലേയും പഴകിയ ഭക്ഷണ സാധനങ്ങൾ, പാനീയങ്ങൾ, എണ്ണ, നിരോധിത പ്ലാസ്റ്റിക് ഉല്പന്നങ്ങൾ എന്നിവ പിടിച്ചെടുത്തു. പെട്ടിക്കടകളിലും മറ്റു വ്യാപാര സ്ഥാപനങ്ങളിലും പരിശോധനകൾ നടത്തി ലൈസൻസില്ലാതെ പ്രവർത്തിക്കുന്ന കടകൾക്കെതിരെ നടപടിയെടുത്തു. 22 കിലോ നിരോധിത പ്ലാസ്റ്റിക് ക്യാരി ബാഗുകൾ പിടിച്ചെടുത്തു. പബ്ലിക് ഹെൽത്ത് ഇൻസ്‌പെക്ടർ പ്രീതാചന്ദ്രൻ പരിശോധനയിൽ പങ്കെടുത്തു.