പന്തളം: പന്തളം എൻ.എസ്.എസ് കോളേജ് യൂണിയൻ തിരഞ്ഞെടുപ്പിൽ എസ്.എഫ്.ഐ യൂണിയൻ നിലനിറുത്തി. കോളേജിന്റെ 75 വർഷത്തെ ചരിത്രത്തിൽ ആദ്യമായി ഒരു വനിത കോളേജ് യൂണിയന്റെ അദ്ധ്യക്ഷയായി തിരഞ്ഞെടുക്കപ്പെട്ടു. രണ്ടാം വർഷ ബി.എ പൊളിറ്റിക്കൽ സയൻസിലെ എസ്.ജെ.ഫാത്തിമയാണ് ചെയർപേഴ്‌സണായി തിരഞ്ഞെടുക്കപ്പെട്ടത്. വൈസ് ചെയർമാനായി മൂന്നാംവർഷ ബി.എ ഇംഗ്ലീഷ് വിദ്യാർത്ഥിനി ഗൗരിനന്ദനയും, ജനറൽ സെക്രട്ടറിയായി മൂന്നാം വർഷ ബി.എ മലയാളം വിദ്യാർത്ഥിനി അനൂഷാ സ്വാതിസുഭാഷും തിരഞ്ഞെടുക്കപ്പെട്ടു. രണ്ടാംവർഷ ബി.എ മലയാളം വിദ്യാർത്ഥിനി സിത്താരയാണ് ആർട്ട്‌സ് ക്ലബ്ബ് സെക്രട്ടറി. യൂണിവേഴ്‌സിറ്റി യൂണിയൻ കൗൺസിലർമാരായി ഒന്നാം വർഷ ബി.എ എക്കണോമിക്‌സ് വിദ്യാർത്ഥി വിനായകും രണ്ടാം വർഷ ബി.എസ്.സി വിദ്യാർത്ഥിനിയായ വൈഗ എസ്.ഡിയും മാഗസിൻ എഡിറ്ററായി ഒന്നാം വർഷ ബികോം ഫിനാൻസ് വിദ്യാർത്ഥി അക്ഷയ്.ബിയും തിരഞ്ഞെടുക്കപ്പെട്ടു. ബി.എ മൂന്നാം വർഷ പൊളിറ്റിക്കൽ വിദ്യാർത്ഥിനി ഭാഗ്യലക്ഷ്മി, ഒന്നാം വർഷ ബി.എസ് സി ബയോകെമിസ്ട്രി വിദ്യാർത്ഥിനി നൂപുര എന്നിവർ ലേഡി റെപ്രെസെന്റീവുമാരായും തിരഞ്ഞെടുക്കപ്പെട്ടു.