പരുമല: പരുമല പള്ളി പെരുന്നാളിന് ഇന്ന് ഉച്ചയ്ക്ക് 2 ന് ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായുടെ പ്രധാന കാർമ്മികത്വത്തിൽ കൊടിയേറും. 3ന് തീർത്ഥാടന വാരാഘോഷ സമ്മേളനം കാതോലിക്കാ ബാവാ ഉദ്ഘാടനം ചെയ്യും. ഡോ. യൂഹാനോൻ മാർ ക്രിസോസ്‌റ്റമോസ് അദ്ധ്യക്ഷത വഹിക്കും. ഹാരിസ് ബീരാൻ എം.പി പ്രഭാഷണം നടത്തും. 27 മുതൽ 31 വരെ ദിവസവും വൈകിട്ട് 4 ന് ഗ്രിഗോറിയൻ പ്രഭാഷണം.

നവംബർ 1ന് 3 മണിക്ക് തീർത്ഥാടന വാരാഘോഷ സമാപന സമ്മേളനം കാതോലിക്കാ ബാവാ ഉദ്ഘാടനം ചെയ്യും. ചങ്ങനാശേരി അതിരൂപത നിയുക്ത ആർച്ച് ബിഷപ് മാർ തോമസ് തറയിൽ സന്ദേശം നൽകും. 8ന് ശ്ളൈഹിക വാഴ്വ്, 8.15ന് റാസ.പെരുന്നാൾ ദിനമായ 2ന് രാവിലെ 8.30 ന് കാതോലിക്കാ ബാവയുടെ മുഖ്യകാർമ്മികത്വത്തിൽ മൂന്നിൻമേൽ കുർബാന. 10.30ന് ശ്ലൈഹിക വാഴ്വ്. 10.30ന് നേർച്ചസദ്യ. 12ന് എം.ജി.ഒ.സി.എസ്.എം സമ്മേളനം ബാവാ ഉദ്ഘാടനം ചെയ്യും. 2ന് റാസ, 3ന് കൊടിയിറക്ക്.