പത്തനംതിട്ട : കേരളത്തിലെ സ്വകാര്യമേഖലയിൽ ജോലിനോക്കുന്ന വനിതകളായ നഴ്‌​സുമാരുടെ പ്രശ്‌​നങ്ങൾ പഠിക്കാനായി കേരള വനിതാ കമ്മിഷൻ 28ന് തിരുവല്ലയിൽ പബ്ലിക് ഹിയറിംഗ് സംഘടിപ്പിക്കും. രാവിലെ 10ന് തിരുവല്ല വൈ.എം.സി.എ ഹാളിൽ നടക്കുന്ന ഹിയറിംഗ് വനിതാ കമ്മിഷൻ ചെയർപേഴ്‌​സൺ അഡ്വ.പി.സതീദേവി ഉദ്ഘാടനം ചെയ്യും. വനിതാ കമ്മിഷനംഗം അഡ്വ.ഇന്ദിര രവീന്ദ്രൻ അദ്ധ്യക്ഷയാവും. കമ്മിഷനംഗങ്ങളായ അഡ്വ.എലിസബത്ത് മാമ്മൻ മത്തായി, വി.ആർ.മഹിളാമണി, അഡ്വ.പി.കുഞ്ഞായിഷ, മെമ്പർ സെക്രട്ടറി സോണിയ വാഷിംഗ്ടൺ, ഡയറക്ടർ ഷാജി സുഗുണൻ , ലോ ഓഫീസർ കെ.ചന്ദ്രശോഭ, പ്രൊജക്ട് ഓഫീസർ എൻ. ദിവ്യ, റിസർച്ച് ഓഫീസർ എ.ആർ.അർച്ചന, പത്തനംതിട്ട ജില്ലാ ലേബർ ഓഫീസർ എസ്.സുരാജ്, യു.എൻ.എ സംസ്ഥാന പ്രസിഡന്റ് ഷോബി ജോസഫ്, സംസ്ഥാന സെക്രട്ടറി അജയ് വിശ്വംഭരൻ, ടി എൻ എ ഐ തിരുവനന്തപുരം ജില്ലാ കോ​ഓർഡിനേറ്റർ എം.കെ.ദിലീപ് എന്നിവർ സംസാരിക്കും. സ്വകാര്യ മേഖലയിൽ തൊഴിലെടുക്കുന്ന സ്ത്രീകളായ നഴ്‌​സുമാർ നേരിടുന്ന പ്രശ്‌​നങ്ങൾ നേരിട്ട് മനസിലാക്കുകയും അവ പരിഹരിക്കാനുള്ള ശുപാർശ സർക്കാരിന് സമർപ്പിക്കുകയുമാണ് പബ്ലിക് ഹിയറിംഗ് ലക്ഷ്യമിടുന്നത്.