പരുമല : കേരളത്തിന്റെ നവോത്ഥാന ചരിത്രത്തിൽ പരിശുദ്ധ പരുമല തിരുമേനിയുടെ പങ്ക് നിസ്തുല്യമാണെന്ന് സംസ്ഥാന ബുക്മാർക് സെക്രട്ടറി ഏബ്രഹാം മാത്യു പറഞ്ഞു. ഗ്രിഗോറിയൻ പ്രഭാഷണ പരമ്പരയിൽ മുഖ്യ പ്രഭാഷണം നടത്തുകയായിരുന്നു അദ്ദേഹം. അത്മായ ട്രസ്റ്റി റോണി വർഗീസ് ഏബ്രഹാം അദ്ധ്യക്ഷത വഹിച്ചു. അസോസിയേഷൻ സെക്രട്ടറി അഡ്വ. ബിജു ഉമ്മൻ, ഫാ. ജെ. മാത്തുക്കുട്ടി, മത്തായി ടി. വർഗീസ്, ഫാ.ഏബ്രഹാം കോശി കുന്നുംപുറത്ത്, സജി മാമ്പ്രക്കുഴി, ജോൺസൺ കല്ലട, മാത്യു ഉമ്മൻ അരികുപുറം, പി.എജോസ് പുത്തൻപുരയിൽ എന്നിവർ പ്രസംഗിച്ചു. ഇന്ന് ഗ്രിഗോറിയൻ പ്രഭാഷണത്തിൽ പ്രിൻസിപ്പൽ അക്കൗണ്ടന്റ് ജനറൽ ഡോ. ബിജു ജേക്കബ് പ്രഭാഷണം നിർവഹിക്കും.